Samfélagsmiðlar

Máli WOW air vísað frá Hæstarétti

fle 860

Fyrir nærri einu og hálfu ári úrskurðaði Samkeppniseftirlitið að WOW air ætti heimtingu á tveimur af afgreiðslutímum Icelandair á Keflavíkurflugvelli. Fyrir nærri einu og hálfu ári úrskurðaði Samkeppniseftirlitið að WOW air ætti heimtingu á tveimur af afgreiðslutímum Icelandair á Keflavíkurflugvelli. Þessari niðurstöðu var áfrýjað og síðan hefur málið farið um dómskerfið hér heima og fyrir EFTA dómstólinn í Lúxemburg. Í dag birti Hæstiréttur sína niðurstöðu.
Í febrúar árið 2013 fór WOW air fram á það við Samkeppniseftirlitið að úthlutun afgreiðslutíma við Flugstöð Leifs Eiríkssonar yrði skoðuð. Vildu forsvarsmenn félagsins meina að þeim væri ókleift að hefja flug til Bandaríkjanna nema komast að á sömu tímum og Icelandair nýtir í dag. En plássleysi við flugstöðina gerir það að verkum að ekki komast fyrir fleiri flugfélög á sömu dagspörtum og Icelandair nýtir fyrir Ameríkuflug sitt.
Samkeppniseftirlitið tók undir kröfu WOW air en áfrýjunarnefnd samkeppnismála felldi þá niðurstöðu úr gildi. WOW air kærði þá ákvörðun áfrýjunarnefndarinnar en héraðsdómur vísaði málinu frá og það gerði Hæstiréttur einnig í dag. 

Sama fyrirkomulag hér og annars staðar

Í tilkynningu sem Icelandair sendi frá sér í dag segir að niðurstaða áfrýjunarnefndar samkeppnismála standi nú óhögguð og ákvörðun Samkeppniseftirlitsins hafi verið ólögmæt. „Ekkert kemur fram um það í dóminum, ráðgefandi áliti EFTA-dómstólsins eða úrskurði áfrýjunarnefndar samkeppnismála að það fyrirkomulag sem viðhaft er við úthlutun afgreiðslutíma á Keflavíkurflugvelli hafi skaðleg áhrif á samkeppni, enda er þetta sama fyrirkomulag og er viðhaft alls staðar annars staðar á Evrópska efnahagssvæðinu,“ segir jafnframt í tilkynningu Icelandair.

Sigur fyrir neytendur

Það er danska fyrirtækið Airport Coordination sér um uppröðun á flugtímum á íslenskum flugvöllum og í viðtali við Túrista sagði Frank Holton, framkvæmdastjóri þess, að frávísun héraðsdóms um daginn hafi verið sigur fyrir fluggeirann og neytendur. 

Deilunni um afgreiðslutíma við Flugstöð Leifs Eiríkssonar er hins vegar ekki lokið því Samkeppniseftirlitið hefur í nærri eitt ár verið með nýtt erindi WOW air til skoðunar. Ekki liggur fyrir hvenær niðurstöðu er að vænta í því máli.

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …