Samfélagsmiðlar

Taka undir ósk Ferðamálastofu um nákvæmari talningu flugfarþega

erlendir ferdamenn

Þjóðerni sjöunda hvers ferðamanns á Íslandi er ekki þekkt. Samtök ferðaþjónustunnar vilja ítarlegri talningu. Þjóðerni sjöunda hvers ferðamanns á Íslandi er ekki þekkt. Samtök ferðaþjónustunnar taka undir kröfu Ferðamálastofu um ítarlegri talningu farþega á Keflavíkurflugvelli.
Við vopnaleitina í Flugstöð Leifs Eiríkssonar þurfa allir farþegar að sýna vegabréf og þannig er hægt að skrá hverrar þjóðar farþegarnir eru. Þessi talning er gerð fyrir Ferðamálastofu sem heldur utan um upplýsingar um hversu margir ferðamenn fara frá landinu í hverjum mánuði og hvaðan þeir koma.

Nær eingöngu Vesturlandabúar 

Í dag eru erlendu farþegarnir flokkaðir niður eftir sautján þjóðernum og á listanum eru aðeins tvö Asíulönd en ekkert land frá S-Ameríku, Afríku eða Eyjaálfu. Einu fulltrúar Austur-Evrópu á listanum eru Pólland og Rússland. Farþegar frá öðrum löndum en þessum sautján fara því í flokkinn „aðrir“ og í fyrra lentu um 142 þúsund manns í óskilgreinda hópnum líkt og kom fram í frétt Túrista. Ferðamálastofa hefur óskað eftir því við Isavia að þjóðunum í talningunni verði fjölgað en forsvarsmenn Isavia óttast að verði það gert þá geti raðirnar við öryggisleitina lengst.

Hafa barist fyrir betri upplýsingum

Samtök ferðaþjónustunnar taka undir kröfu Ferðamálastofu um bætta talningu ferðamanna á Keflavíkurflugvelli. „Það er ákaflega mikilvægt fyrir þá sem starfa í ferðaþjónustu að þekkja viðskiptavininn sem best, þ.e. þá ferðamenn sem sækja Ísland heim. Það er auðvitað eðlileg krafa að flokkunin á Keflavíkurflugvelli sé nákvæmari og hægt sé að fá betri greiningu á þjóðerni þeirra ferðamanna sem koma til landsins“, segir í svari Skapta Arnar Ólafssonar, upplýsingafulltrúa SAF til Túrista. Hann segir að samtökin hafi lengi barist fyrir betri tölfræðiupplýsingum um þessa ört vaxandi atvinnugrein og því beri að fagna að Ferðamálastofa óski eftir frekari greiningu á hópi ferðamanna. 

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …