Samfélagsmiðlar

Betri sætanýting í Kaupmannahafnarfluginu

kaupmannahof farthegar

Á fyrsta ársfjórðungi fækkaði áætlunarferðunum héðan til Kaupmannahafnar um tíund en engu að síður fjölgaði farþegum á þessari flugleið eilítið. Á fyrsta ársfjórðungi fækkaði áætlunarferðunum héðan til Kaupmannahafnar um tíund en engu að síður fjölgaði farþegum á þessari flugleið eilítið.
Höfuðborg Danmerkur er alla jafna sú borg sem næst oftast er flogið til frá Keflavíkurflugvelli og um tíunda hver vél sem tekur á loft þaðan setur stefnuna á Kaupmannahöfn. Aðeins London er vinsælli áfangastaður hjá flugfélögunum hér á landi.
Til Kaupmannahafnar fljúga Icelandair og WOW air og á fyrsta ársfjórðungi fóru vélar félaganna 478 ferðir á milli Kastrup og Keflavíkurflugvallar samkvæmt talningu Túrista. Þetta eru 11 prósent færri ferðir en á sama tíma í fyrra. 

Ögn fleiri farþegar

Þrátt fyrir færri flugferðir þá fjölgaði farþegum á fyrsta ársfjórðungi um 730 samkvæmt upplýsingum frá samgöngustofnun Danmerkur. Samtals nýttu 75.367 sér áætlunarflugið milli Keflavíkur og Kastrup fyrstu þrjá mánuði ársins. Að farþegum fjölgi á sama tíma og ferðunum fækki gefur til kynna að sætanýtingin á þessari flugleið hafi verið betri á fyrsta ársfjórðungi í samanburði við sama tíma í fyrra. Einnig gætu flugfélögin hafa nýtt stærri vélar í áætlunarflugið til Kaupmannahafnar.

Icelandair með sterka stöðu

Líkt og áður segir þá eru það aðeins Icelandair og WOW air sem bjóða upp á áætlunarflug til dönsku höfuðborgarinnar og á síðasta ári flutti Icelandair þrjá af hverjum fjórum farþegum á flugleiðinni. Hlutdeild félagsins á þessari leið hefur verið stöðug síðustu ár en var hins vegar nokkru minni fyrir rúmum áratug síðan. Árið 2003 hóf Iceland Express starfsemi og fékk félagið fljúgandi start og náði um 40 til 45 prósent hlutdeild í flugi milli Kaupmannahafnar og Keflavíkur ári síðar. Félagið hélt hins vegar ekki þeirri sterku stöðu og WOW air hefur ekki heldur náð að saxa á forskot Icelandair. Félagið var þrettánda umsvifamesta flugfélagið á Kaupmannahafnarflugvelli í fyrra og flugu 304 þúsund farþegar með félaginu til og frá dönsku höfuðborginni. Hafa ber í huga að stór hluti farþega Icelandair millilendir aðeins hér á landi á fer sinni milli N-Ameríku og Evrópu.

Hugsanleg samkeppni

Fyrir síðasta sumar fékk norska lággjaldaflugfélagið Norwegian úthlutaða afgreiðslutíma á Keflavíkurflugvelli fyrir áætlunarflug til Kaupmannahafnar. Ekkert varð hins vegar úr því en líkt og kom fram í viðtali Túrista við Bjørn Kjos, þá sér hann fyrir sér aukið flug til Íslands í framtíðinni. Nýlega opnaði hið írska Ryanair starfstöð í Kaupmannahöfn og gæti því hafið áætlunarflug hingað frá flugvelli borgarinnar en forsvarsmenn þessa stærsta lággjaldaflugfélags Evrópu hafa skoðað möguleikan á að hefja Íslandsflug. Talsmaður Ryanair segir hins vegar ekki ekki neitt nýtt að frétta af þeim vangaveltum.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …