Samfélagsmiðlar

Farþegar frá Keflavík fá innanlandsflugið í Bandaríkjunum fyrir smáaura

delta 2

Þú getur flogið beint með Delta flugfélaginu héðan til New York og þaðan áfram fyrir nánast ekki neitt aukagjald. Í sumum tilvikum lækkar verðið ef þú ferð í tengiflug. Þú getur flogið beint héðan með Delta flugfélaginu til New York og þaðan áfram fyrir nánast ekki neitt aukagjald. Í sumum tilvikum lækkar verðið ef þú ferð í tengiflug.
Hið bandaríska Delta flýgur hingað daglega frá New York og þaðan býður flugfélagið upp á áætlunarflug um alla N-Ameríku. Vanalega borga farþegar Delta aukalega fyrir tengiflugið frá New York en fyrri hluta septembermánaðar geta farþegar, sem hefja ferðalagið á Keflavíkurflugvelli, fengið innanlandsflugið í Bandaríkjunum fyrir innan við þúsund krónur samkvæmt athugun Túrista. Þessi kjör eru þó aðeins í boði ef dvalið er úti í að lágmarki sjö daga.
Sem dæmi má nefna að ódýrustu fargjöld Delta til New York í september eru á 71.245 krónur en ef ferðinni er haldið áfram til Boston eða Washington þá bætast aðeins 750 krónur við fargjaldið en 950 krónur bætast við ef flogið er til Orlando. Bæði Icelandair flýgur til þessara þriggja borga en WOW til Boston og Washington. Ef stefnan er sett á borgir fjær New York bætist meira við farmiðaverðið hjá Delta.

Farið lækkar ef keypt er tengiflug

Það er líka athyglisvert að farþegi sem bókar far með Delta héðan til Toronto, með millilendingu í New York, borgar minna fyrir farmiðann með tengiflugi en án. Þannig kostar farmiði til Toronto 3. til 12. september 70.095 krónur en farið til New York þessa sömu daga kostar það 71.245 krónur. Delta lækkar s.s. farmiðann um 1.150 krónur ef keypt er tengiflug til Kanada.

Nýtt efni

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …