Samfélagsmiðlar

Vinsældir Íslands komu stjórnendum Lufthansa á óvart

Forsvarsmenn stærsta flugfélags Evrópu breyttu um kúrs í Íslandsfluginu og þeir segja að breytingarnar hafa fengið virkilega góðar viðtökur.

lufthansa 319

Í maí hóf Lufthansa áætlunarflug hingað frá Frankfurt og Munchen og er þetta í fyrsta skipti sem félagið býður upp á Íslandsferðir frá þessum tveimur stærstu flughöfnum Þýskalands. Áður hafði félagið flogið hingað frá Dusseldorf, Hamborg og Berlín yfir aðalferðamannatímann en dótturfélagið German Wings hefur tekið þær flugleiðir yfir. Forsvarsmenn Lufthansa gerðu einnig þá breytingu að fljúga til Íslands yfir miðjan daginn í stað þess að bjóða aðeins upp á kvöld- og næturflug. Að sögn Christian Schindler, framkvæmdastjóra hjá Lufthansa, þá hafa nýir áfangastaðir og flugtímar mælst mun betur fyrir en áætlanir gerðu ráð fyrir. „Sætanýtingin í Íslandsfluginu hefur verið 83 prósent í sumar og hlutfallið fyrir ágúst verður ennþá hærra enda hefur þessi mánuður verið frábær.“

Mikil eftirspurn í Kína og Ísrael

Upphaflega gerðu áætlanir Lufthansa ráð fyrir að aðallega Þjóðverar sem myndu nýta sér Íslandsflug félagsins en eftirspurnin frá öðrum mörkuðum, til dæmis Kína og Ísrael, hefur verið mun meiri en búist var við. Schindler bendir á að Lufthansa sé með mjög sterka stöðu í Evrópuflugi frá Kína og þar hafi áætlunarferðirnar til Íslands verið kynntar sérstaklega. Þess má geta að það sem af er ári hefur kínverskum ferðamönnum hér á landi fjölgað um 76,8 prósent samkvæmt talningu Ferðamálastofu.

Margir Íslendingar kaupa tengiflug

Það eru í langflestum tilfellum erlendir ferðamenn sem skipa farþegarýmin hjá Lufthansa í fluginu til og frá Íslandi að sögn Schindler. Þeir íslensku farþegar sem nýta sér flugið hafa í mörgum tilfellum einnig bókað tengiflug og þá er ferðinni oftast heitið til flugvalla í Serbíu, Ítalíu eða Austurríki.
Þrátt fyrir góðar viðtökur þá hafa stjórnendur Lufthansa ekki tekið ákvörðun um fjölgun ferða til Íslands á næsta ári.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …