Samfélagsmiðlar

Ferðaþjónustan á að sameinast gegn áformum um stóriðjur

skuli mogensen wow

Forstjóra WOW air þykir sorglegt að ríkið bjóði ívilnanir til að laða stóriðju til landsins. Hann segir þörf á því að ferðaþjónustan leggist á eitt í að mótmæla þessum áformum. Forstjóra WOW air þykir sorglegt að ríkið bjóði ívilnanir til að laða stóriðju til landsins. Hann segir þörf á því að ferðaþjónustan leggist á eitt í að mótmæla þessum áformum.
Viðsnúningur í efnahagslífinu eftir hrun hefur átt sér stað án þess að nokkur virkjun eða stóriðja hafi verið reist. Þetta segir Skúli Mogensen, forstjóri WOW air, í viðtali við Mbl.is í tilefni af því að fyrstu hlutafjársöfnun sólarkísilverksmiðju á Grundartanga er nú lokið. Hann bendir á nú sé eitt mesta hag­vaxt­ar­skeið í sögu þjóðar­inn­ar og at­vinnu­leysi er í sögu­legu lág­marki. „Í því sam­hengi finnst mér sorg­legt að ríkið sé ennþá að niður­greiða orku, fella niður trygg­ing­ar­gjald og með alls kon­ar íviln­an­ir til þess að laða að sér stóriðju. Þvert á það sem ég tel vera aug­ljós­an lang­tíma­hag lands­ins,“ sagði Skúli við Mbl.is. Skúli hefur sjálfur haft uppi áform um að byggja vistvænt hótel í Hvalfirði en segir að það gefi augaleið að enginn muni hafa áhuga á að gista í Hval­f­irði ef hon­um verður breytt í „ein­hverja rusla­k­istu.“

Eiga að mótmæla áformunum

Það er sjaldgæft að stóriðjustefnu stjórnvalda fái svona harða gagnrýni frá lykilfólki í ferðaþjónustunni en samkvæmt útreikningum Túrista má gera ráð fyrir um sjöundi hver ferðamaður hér á landi komi hingað fljúgandi með WOW air. Aðspurður segir Skúli, í samtali við Túrista, að hann telji fulla ástæðu til og þörf á því að forsvarsmenn ferðaþjónustunnar sameinist í að mótmæla áformum um stóriðjur og virkjanir.

Verðmiði á ósnortna náttúru

Í ályktun aðalfundar Samtaka ferðaþjónustunnar í mars sl. var gerð krafa um að umræða um nýtingu og vernd íslenskrar náttúru snúist ekki fyrst og fremst um nýtingu náttúruauðlinda til orkufreks verksmiðjuiðnaðar og að tímabært væri að settur yrði verðmiði á þau óefnislegu gæði sem í ósnortinni náttúru felast. Þar er einnig bent á að ferðaþjónustan muni innan tveggja ára skapa þjóðinni tvöfalt meiri gjaldeyristekjur en stóriðjan skilaði á síðasta ári. Í þessu ljósi er athyglisvert að bæði ferðamál og stóriðjuframkvæmdir eru á borði Ragnheiðar Elínar Árnadóttur, iðnaðar- og viðskiptaráðherra. En eins og Túristi greindi frá í síðustu viku er vonast til að ráðherra, ferðamálastjóri og Samtök ferðaþjónustunnar skili skýrslu um framtíð ferðaþjónustunnar í þessum mánuði. Upphaflega var von á skýrslunni í vor.

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …