Samfélagsmiðlar

Flugmiðar til Íslands á rúmar 2 þúsund krónur

genf menn

Í lok október gerir easyJet hlé á flugi sínu hingað frá Basel og Genf og býður sætin þaðan á álíka mikið og það kostar að taka rútuna frá Reykjavík og út á Keflavíkurflugvöll. Í lok október gerir easyJet hlé á flugi sínu hingað frá Basel og Genf og býður sætin þaðan á álíka mikið og það kostar að taka rútuna frá Reykjavík og út á Keflavíkurflugvöll.
Á haustin fækkar áfangastöðunum sem flogið er til frá Íslandi og þessar vikurnar er verið að fara síðustu ferðirnar til fjölmargra áfangastaða. Oft eru sætin í þessar brottfarir ódýr því farþegarnir verða að fljúga tilbaka með öðru flugfélagi. En fá flugfélög, ef nokkur, slá eins verulega af verðinu í þessar lokaferðir og easyJet gerir nú. Félagið býður nefnilega flugmiða frá Basel og Genf til Íslands, dagana 20. og 24. október, á 2.100 til 2.800 krónur (um 15 til 20 evrur). Því miður kostar hins vegar mun meira að fara síðustu ferðir félagsins frá Keflavíkurflugvelli til Sviss en sá sem getur hugsað sér að fljúga til Genfar 17. október og heim aftur viku síðar borgar aðeins um 15.400 krónur fyrir farmiðann. Farangursgjald bætist svo við.

Líka ódýrt til Spánar

Það er þó ekki bara flugmiðar frá Sviss sem fást á sérstökum kjörum því í október má finna töluvert af ódýrum ferðum til og frá Barcelona. Bæði WOW og Vueling fljúga þangað nokkrar ferðir í október og í margar þeirra eru farmiðarnir á 14 til 19 þúsund krónur. Það er því hægt að heimsækja höfuðborg Katalóníu fyrir lítið næstu vikur, til dæmis með því að fljúga með öðru félaginu út og hinu heim.
SMELLTU HÉR TIL AÐ GERA VERÐSAMANBURÐ Á GISTINGU OG BÍLALEIGUBÍLUM

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …