Samfélagsmiðlar

Útlit fyrir metþátttöku í útboði á flugferðum hins opinbera

flugtak 860 a

Líklegt er að nokkur erlend flugfélög verði gjaldgeng í útboði á flugmiðakaupum stjórnarráðsins. Samkeppnin mun því ekki aðeins vera á milli Icelandair og WOW air. Líklegt er að nokkur erlend flugfélög verði gjaldgeng í útboði á flugmiðakaupum stjórnarráðsins. Samkeppnin mun því ekki aðeins vera á milli Icelandair og WOW air.
Innan skamms verður á ný leitað tilboða í kaup allra ráðuneyta á farmiðum líkt og Túristi greindi nýverið frá. Verður þetta fyrsta útboð hins opinbera á flugmiðakaupum í nærri fimm ár en síðast var tilboðum Icelandair og Iceland Express tekið. Síðarnefnda félagið hætti hins vegar starfsemi haustið 2012.

Hafa hug á að bjóða

Að þessu sinni er útlit fyrir að samkeppni um farmiðaviðskipti ríkisins verði mun harðari því forsvarsmenn þeirra erlendu flugfélaga sem hingað fljúga, allt árið um kring, segjast í samtölum við Túrista, hafa hug á því að skoða möguleika á að skila inn tilboðum. Icelandair og WOW air standa þó líklega best að vígi því félögin geta boðið upp á beint flug til mun fleiri staða og tíðari ferðir í flestum tilfellum.

Íslensku fyrirtækin ekki örugg með stóran skerf

Ennþá liggur hins vegar ekki fyrir hvaða skilyrði Ríkiskaup munu setja varðandi flugáætlanir tilboðsgjafa en í nýlegu útboði danska ríkissins á flugmiðum var gerð sú krafa að flugfélög byðu upp á alla vega þrjár brottfarir í viku, allt árið, til viðkomandi áfangastaðar. Danska ríkið bauð út nærri tvö hundruð flugleiðir og var samið við allt að þrjú félög á hverri leið. Verði íslenska útboðið sambærilegt er ljóst að Icelandair og WOW air munu sitja ein að fluginu vestur um haf en félög eins og British Airways og SAS gætu náð stórum hluta af ferðunum til áfangastaða sem ekki er flogið til beint frá Íslandi. Starfsmenn stjórnarráðsins yrðu þá að millilenda á Heathrow eða í Ósló á leið sín lengra út í heim. Ef krafa um ferðatíma verður ekki ströng gætu þessi tvö félög einnig veitt Icelandair og WOW air samkepnni um farmiðakaup stjórnarráðsins til borga sem aðeins íslensku félögin fljúga til beint frá Íslandi.

Vilja ekki vildarpunkta

Í viðtali við Túrista í vor sagði Ólafur Stephensen, framkvæmdastjóri Félags atvinnurekenda, að það væri algjört grundvallaratriði að tekið yrði fyrir það að einstaka bjóðendur geti boðið starfsmönnum ríkisins sporslur fyrir að beina viðskiptum sínum til þeirra. „Það er í hæsta máta óeðlilegt að ríkisstarfsmenn þiggi vildarpunkta til persónulegra nota vegna flugferða sem skattgreiðendur hafa borgað fyrir,“ bætti Ólafur við. Samkvæmt upplýsingum frá Ríkiskaupum þá er gert ráð fyrir því í komandi útboði að óheimilt verði að bjóða hvata til ferða hjá ákveðnu flugfélagi og reynt verður að koma í veg fyrir vildarpunktasöfnun einstaklinga.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …