Samfélagsmiðlar

Vetrarleiga á bílaleigubílum næstdýrust hér á landi

vegur vetur john salzarulo

Yfir sumarmánuðina eru verðskrár bílaleiganna við Keflavíkurflugvöll í sérflokki en í vetur er Ósló á toppnum. Yfir sumarmánuðina eru verðskrár bílaleiganna við Keflavíkurflugvöll í sérflokki en í vetur er Ósló á toppnum.
Þeir sem leigðu bíl í hálfan mánuð við Keflavíkurflugvöll síðastliðin sumur borguðu að jafnaði um 8 til 9 þúsund krónur á dag fyrir ökutæki af minnstu gerð. Það var mun hærra verð en annars staðar  samkvæmt reglulegum könnunum Túrista á verðskrám bílaleiga við 20 evrópskar flughafnir.

Helmingi ódýrara í vetur

Þegar borið er saman verð á bílaleigubílum næstu fjóra mánuði þá kemur hins vegar í ljós að verðið hér á landi er ekki hæst og daggjaldið er þá um helmingi lægra en það er yfir aðalferðamannatímabilið. Vikuleiga á bíl við Flugstöð Leifs Eiríkssonar næstu fjóra mánuði kostar að jafnaði 27.626 krónur, eða tæpar 4 þúsund krónur á dag. Verðið er hins vegar hæst við Óslóarflugvöll því þar kostar vikan að meðaltali 38.787 krónur. Annars staðar í álfunni eru prísarnir lægri en við þessa tvo flugvelli eins og sjá má á súluritinu hér fyrir neðan. Ódýrustu bílaleigubílarnir eru á Tenerife og í Kaupmannahöfn. 
SMELLTU HÉR TIL AÐ GERA VERÐSAMANBURÐ Á BÍLALEIGUBÍLUM ÚT UM ALLAN HEIM
Sem fyrr er notast við leitarvél Rentalcars, samstarfsaðila Túrista, til að bera saman verð á bílaleigum við hvern flugvöll fyrir sig. Verðkannanir Túrista hafa sýnt fram á að Rentalcars finnur oft lægra verð en er í boði annars staðar. Í öllum tilvikum var ótakmarkaður akstur, fríar afbókanir og kaskótrygging innifalin í verðinu og oftast voru leigurnar með afgreiðslu inn í flugstöðvarbyggingum.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …