Samfélagsmiðlar

Áfram unnið að útboði á flugmiðum ráðuneytanna

flug danist soh

Ekki tókst að bjóða út farmiðakaup stjórnarráðsins í haust líkt og stefnt var að. Erlend flugfélög fylgjast með gangi mála og ferðaskrifstofur vilja hlut að kökunni. Ekki tókst að bjóða út farmiðakaup stjórnarráðsins í haust líkt og stefnt var að. Erlend flugfélög fylgjast með gangi mála og ferðaskrifstofur vilja hlut að kökunni.
Hátt í fimm ár eru liðin frá því að ríkið leitaði síðast tilboða í farseðla fyrir opinbera starfsmenn. Þá bárust aðeins tilboð frá Icelandair og Iceland Express og var þeim báðum tekið en síðarnefnda félagið hætti starfssemi stuttu síðar.
Í byrjun þessa árs kærðu forsvarsmenn WOW air stöðu þessara mála og í framhaldinu komst kærunefnd útboðsmála að þeirri niðurstöðu að kaup hins opinbera á flugmiðum væru það mikil að leita þyrfti tilboða í þau á nýjan leik. Líkt og Túristi greindi frá þá stóð til að kynna útboðið í haust en samkvæmt nýjum upplýsingum frá Ríkiskaupum þá er ennþá unnið að því að klára útboðsgögnin. Vonast er til að vinnunni ljúki fyrir áramót en ekki hefur verið tekin ákvörðun um hvort útboðið verði kynnt með formlegum hætti eða aðeins auglýst.

Flugpunktar ekki leyfðir

Félag atvinnurekenda hefur lengi talað fyrir nýju útboði og fór sérfræðingur félagsins meðal annars með kærumálið fyrir hönd WOW Air í byrjun árs. Ólafur Stephensen, framkvæmdastjóri FA, hefur einnig lagt áherslu á að flugfélög megi ekki bjóða starfsmönnum ríkisins flugpunkta fyrir að beina viðskiptum sínum til þeirra. „Það er í hæsta máta óeðlilegt að ríkisstarfsmenn þiggi vildarpunkta til persónulegra nota vegna flugferða sem skattgreiðendur hafa borgað fyrir,“ sagði Ólafur í svari til Túrista í vor.
Samkvæmt upplýsingum frá Ríkiskaupum er gert ráð fyrir því í komandi útboði að óheimilt verði að bjóða hvata til ferða hjá ákveðnu flugfélagi og reynt verður að koma í veg fyrir vildarpunktasöfnun einstaklinga. 

Erlendu flugfélögin áhugasöm

Í dag bjóða mun fleiri flugfélög upp á reglulegar ferðir til og frá landinu en þegar síðasta útboð var haldið. Líkt og Túristi hefur greint frá þá hafa forsvarsmenn nokkurra erlendra flugfélaga hug á því að taka þátt í fyrirhuguðu útboði en ennþá liggur hins vegar ekki fyrir hvaða skilyrði Ríkiskaup munu setja varðandi flugáætlanir tilboðsgjafa. Í nýlegu útboði danska ríkissins á flugmiðum var gerð sú krafa að flugfélög byðu upp á alla vega þrjár brottfarir í viku, allt árið, á þeim flugleiðum sem boðnar voru út. Danska ríkið leitaði tilboða í flug á nærri tvö hundruð leiðum og var samið við allt að þrjú félög á hverri þeirra. Verði íslenska útboðið sambærilegt er ekki víst að Icelandair eða WOW air fá stóran skerf. Flugfélög eins og British Airways og SAS gætu til að mynda skákað íslensku flugfélögunum þegar kemur að flugi til Evrópu og ennþá austar. Íslensku félögin myndu þó sennilega sitja ein að fluginu til N-Ameríku því Delta býður ennþá aðeins upp á flug hingað frá Bandaríkjunum hluta úr ári. 

Verða að velja ódýrasta flugmiðann

Í fyrrnefndu útboði danska ríkisins er gerð krafa um að opinberir starfsmenn í Danmörku verði í öllum tilvikum að velja ódýrasta miðann sem býðst á hverri flugleið og mega þeir aðeins beina viðskiptum til þeirra flugfélaga sem samið var við. Öll kaup á farmiðum fara svo í gegnum ferðaskrifstofur sem fá greiddar þóknanir fyrir sína vinnu. Sá háttur hefur ekki verið hafður hér á landi en Þórunn Reynisdóttir, framkvæmdastjóri Ferðaskrifstofu Íslands, segist vilja sjá álíka fyrirkomulag hér á landi. Hún segir þó einnig mikilvægt að þróa kerfið  á þann hátt að ferðaskrifstofur geti orðið virkari þátttakendur. „Það er mjög mikilvægt að breyta ferlinu eins og það er í dag því það er löngu úrelt.“

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …