Samfélagsmiðlar

Óljós réttur flugfarþega

flug danist soh

Ef slæmt veður eða verkföll valda töfum á flugi þá er ólíklegt að farþegar eigi rétt á þeim bótum en flugfélögin geta líka reynt að skýla sér á bakvið þessar háttar aðstæður. Ef slæmt veður eða verkföll valda töfum á flugi þá er ólíklegt að farþegar eigi rétt á þeim bótum en flugfélögin geta líka reynt að skýla sér á bakvið þessar háttar aðstæður.
Það hafa vafalítið allir flugfarþegar orðið fyrir því oftar en einu sinni að fluginu þeirra seinkar og þeir komast ekki á áfangastað fyrir nokkrum tímum seinna. Þeir sem eiga bókað tengiflug út í heimi eiga þá í hættu að missa af næstu vél og þurfa jafnvel að kaupa sér nýjan miða nema flugin séu bæði á einum farseðli. 
Reglur Evrópusambandsins, sem ná einnig til flugfélaga hér á landi, kveða þó á um að farþegar eigi rétt á fébótum ef seinkunin nemur meira en þremur tímum. Upphæðin ræðst af lengd flugferðarinnar og sá sem ætlar að fljúga innanlands eða t.d. til Grænlands, Færeyja eða Skotlands á rétt á um 35 þúsund krónum (250 evrur) ef ferðinni seinkar svo mikið. Rúmlega þriggja tíma töf á flugi yfir á meginland Evrópu gefur rétt á bótum upp á 56 þúsund kr. (400 evrur). Hærri verða bæturnar ekki vegna flugferða innan EES-svæðisins. Ef flogið er til landa utan þess, t.d. til Tyrklands eða N-Ameríku, þá eru bæturnar allt að 84 þúsund kr. (600 evrur) ef seinkunin er meira en fjórir tímar. Flugfélag gæti því þurft að greiða á bilinu 6 til 15 milljónir króna í skaðabætur ef farþegaþota með 180 farþega tefst að lágmarki um þrjá til fjóra tíma eða ef för hennar er aflýst. Reglur ESB ná til flugfélaga á Evrópska efnahagssvæðinu og til þeirra flugferða sem hefjast innan svæðisins. 

Hvað eru óviðráðanlegar aðstæður?

Það er því um umtalsverðar fjárhæðir að ræða og það reynist þess vegna flugfarþegum oft erfitt að sækja skaðabætur. Ein helsta ástæðan fyrir því er sú að bótaskylda flugfélaga fellur niður ef seinkunin er vegna óviðráðanlegra orsaka og flugfélögin skýla sér því oftast á bakvið þá skýringu. Ótryggt stjórnmálaástand, slæm veðurskilyrði og verkföll teljast til þess háttar aðstæðna en ekki bilanir og önnur tæknileg vandamál á flugvélum og flughöfnum. Og reyndar eru yfirvöld innan Evrópulandanna ekki samála um hvort telja eigi vinnustöðvanir óviðráðanlegar aðstæður því til þeirra er oftast boðað með löngum fyrirvara (sjá nánar). 
En þar sem flugfarþegar virðast almennt vera seinþreyttir til vandræða og því hefur verið haldið fram að aðeins sjö af hverjum hundrað farþegum fái að lokum þær fébætur sem þeir eiga rétt á. 

Aðstoð fyrir flugfarþega  

Til að sækja bætur til flugfélaga geta farþegar sent inn kröfur til flugfélaganna sjálfra en það ferli getur reynst seinlegt. Ef niðurstaða fæst ekki í málið eða farþegi er ósáttur við afgreiðslu flugfélagsins er hægt að leita til Samgöngustofu. Það eru einnig fyrirtæki sem sérhæfa sig í svona málum og eitt þeirra er AirHelp sem tekur að sér skaðabótamál fyrir farþega. Félagið tekur fjórðung af bótafénu í þóknun. Annað fyrirtæki á þessu sviði er GreenClaim

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …