Samfélagsmiðlar

Deila áhyggjum með Skúla Mogensen

isavia kef gudni

Möguleikar Keflavíkurflugvallar á að taka á móti fyrirsjáanlegri aukningu farþega veldur ekki aðeins hugarangri hjá forstjóra WOW air heldur einnig forsvarsmönnum Isavia. Möguleikar Keflavíkurflugvallar á að taka á móti fyrirsjáanlegri aukningu farþega veldur ekki aðeins hugarangri hjá forstjóra WOW air heldur einnig forsvarsmönnum Isavia. Þeir benda hins vegar á að ef flugstöðin væri nýtt jafnar yfir daginn væri staðan betri.
Margt bendir til að Keflavíkurflugvöllur nái ekki að halda í við vaxtaráform WOW air á næstu árum að mati Skúli Mogensen, forstjóri og eigandi WOW air. Hann íhugar þar af leiðandi að flytja hluta af starfsemi félagsins á annan flugvöll til að fullnýta þau sóknarfæri sem félagið hefur líkt og kom fram í grein Túrista í vikunni. WOW air er í dag annað umsvifamesta flugfélagið á Keflavíkurflugvelli og lætur nærri að sjötta hver vél við flugstöðina sé á vegum íslenska lággjaldaflugfélagsins. Í farþegaspám WOW, fyrir næstu ár, er gert ráð fyrir mikilli aukningu en stærð Keflavíkurflugvallar gæti hamlað þeim vexti að mati forstjóra WOW air. Forsvarsmenn flugvallarins draga ekki dul á að núverandi staða sé snúin.

Farþegaaukningin tveimur árum á undan áætlun

„Við hjá Isavia erum að mörgu leyti sammála áhyggjum Skúla Mogensen forstjóra WOW Air. Fjölgun farþega hefur verið langt umfram allar spár og talsvert umfram áætlanir WOW, Icelandair og annarra flugfélaga sem fljúga um Keflavíkurflugvöll,“ segir Guðni Sigurðsson, talsmaður Isavia, aðspurður um þessar þreifingar hjá WOW air. „Þróunaráætlun Keflavíkurflugvallar byggir á áætlunum flugfélaganna sem nota Keflavíkurflugvöll og þær tölur sem notaðar voru til grundvallar henni eru frá fyrri hluta árs 2015. Á þeim stutta tíma sem liðinn er hefur orðið gríðarlega mikil aukning hjá félögunum og allar áætlanir þeirra breyst. Ný farþegaspá sem Isavia kynnti nú í lok nóvember gerir þannig ráð fyrir um 8 milljónum farþega árið 2018. Það er rétt að þær forsendur sem voru grundvöllur að þróunaráætlun Keflavíkurflugvallar gerðu ráð fyrir sex milljónum farþega árið 2018 en þær spár hafa breyst með breyttum áætlunum flugfélaganna. Nýjustu tölur frá flugfélögunum sýna að yfir sex milljónir farþega munu ferðast um flugvöllinn strax á næsta ári. Þetta þýðir að farþegaaukningin er tveimur árum á undan áætlun og að við þurfum að hugsa hratt og gera allt sem við getum til að auka afkastagetuna á mestu álagstímunum.“

Undirbúa komur breiðþota Icelandair og WOW

Nýverið tilkynnti WOW air að félagið hyggðist notast við þrjár Airbus breiðþotur á næsta ári og nýverið bættust tvær Boegin breiðþotur við flugflota Icelandair og verða þær teknar í notkun á næsta ári. Guðni segir að Isavia hafi þess vegna strax hafist handa við að stækka farangursflokkurnarsal flugstöðvarinnar til að mæta nýjum þörfum viðskiptavina sinna. „Framkvæmdir við þessa 3.000 fermetra byggingu hófust nú í haust og þeim mun ljúka fyrir næsta sumar. Þegar allt er talið verður flugstöðin um 9.000 fermetrum stærri sumarið 2016 en hún var í byrjun sumars 2015 og er það til marks um framkvæmdahraðann. Aðrar stækkanir eru í farvatninu á næstunni og í heild verður flugstöðin tvöfölduð að stærð fyrir árið 2022.“ Guðni bendir jafnframt á að það sé alltaf nokkurra ára verkefni að byggja tuga þúsunda fermetra mannvirki. „Það þarf alltaf að gera ráð fyrir tíma í hönnun, undirbúning og byggingu og ný farþegaspá sem gerir ráð fyrir hraðari fjölgun getur ekki flýtt þessari vinnu. Starfsfólk Isavia hefur hins vegar náð bæði að byggja mikið og gera aðrar afkastaaukandi breytingar á mjög stuttum tíma til þess að hægt sé að taka við yfir sex milljónum farþega á næsta ári, rúmlega þrefalt fleiri farþegum en fóru um flugstöðina árið 2010.“
Kef alag sumar2016

Sameiginlegir hagsmunir allra

Á morgnana, seinnipartinn og í kringum miðnætti koma og fara flestar vélar eins og sjá má á myndinni hér fyrir ofan en á sumum tímum dags er umferðin nánast engin og þar gætu tækifærin legið. „Ástæðan fyrir því að flugstöðin er mjög þéttsetin á mestu álagstímum er sú að það hentar núverandi viðskiptaáætlunum Icelandair og WOW að vera á þessum tímum. Það eru hins vegar mikil tækifæri á vexti utan þessara álagstíma. Flugvöllurinn er alls ekki flöskuháls á ferðalög til og frá landinu, það er nóg rými fyrir meiri umferð utan þriggja álagspunkta sólarhringsins,“ segir Guðni og bæti því við að ef félögin sæju sér fært að fjölga líka ferðum utan álagstíma, á meðan á stækkun flughafnarinnar stendur, þá væru tækifærin til þess næg. „Þá náum við að vinna okkur í gegnum þennan mikla og jákvæða vöxt saman. Því hagsmunir Isavia, flugfélaganna og íslensku þjóðarinnar liggja að sjálfsögðu saman,“ segir Guðni.

Frábær staðsetning flugvallar

Í dag eru það aðallega íslensku flugfélögin sem standa undir umferðinni á morgnana og seinnipartinn en stóri hluti af ferðunum í kringum miðnætti á sumrin er á vegum erlendra flugfélaga sem bjóða upp á næturflug héðan til meginlands Evrópu. Álagið er því mjög mikið á þessum tímum og Guðni segir marga aðila hafa unnið gott verk til að halda utan um þessa miklu umferð. „Okkur finnst, eins og öðrum, ótrúlegt að sjá hvað WOW og Icelandair hafa vaxið hratt síðustu árin en það hefur líka verið unnið ótrúlegt verk hjá starfsfólki Isavia og auðvitað öðrum rekstraraðilum á Keflavíkurflugvelli til að mæta farþegaaukningunni. En meginástæðan fyrir því að þessi vöxtur hefur verið mögulegur er sú að Keflavíkurflugvöllur er frábærlega staðsettur á milli heimsálfa og með góðri samvinnu og framtíðarsýn getur Ísland orðið mikilvægasti tengipunkturinn milli þriggja heimsálfa, Evrópu, Norður-Ameríku og Asíu.“

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …