Samfélagsmiðlar

Ögn meiri munur á sumarfargjöldum Icelandair og WOW til Montreal

montreal stor

Það eru fá eða engin dæmi um að tvö íslensk flugfélög hefji áætlunarflug til sömu borgar á sama tíma en það mun hins vegar gerast í vor. Túristi hefur fylgst með þróun fargjalda á þessari einstöku leið. Það eru fá eða engin dæmi um að tvö íslensk flugfélög hefji áætlunarflug til sömu borgar á sama tíma en það mun hins vegar gerast í vor. Túristi hefur fylgst með þróun fargjalda á þessari einstöku flugleið.
Í dag eru Icelandair og WOW air í samkeppni í flugi til tólf erlendra áfangastaða. Á öllum þessum flugleiðum nema einni hefur WOW air komið inn á markaðinn á eftir Icelandair enda miklu yngra flugfélag. Sá áfangastaður sem sker sig úr er Montreal í hinum frönskumælandi hluta Kanada. Þangað fer WOW air jómfrúarferð sína þann 12. maí nk. en fyrsta ferð Icelandair er 19. maí. Bæði félög ætla að bjóða upp á fjórar ferðir í viku, WOW allt árið um kring en Icelandair frá vori og fram á haust. 

Um 200 flugferðir til og frá Montreal í sumar

Bæði félögin stíga sem sagt sín fyrstu skref í Montral á sama tíma og með samskonar flugáætlun. Það er því áhugavert að bera saman fargjöldin á þessari leið og það hefur Túristi gert í tvígang og reiknað út meðalverð þeirra ríflega tvö hundruð flugferða sem Icelandair og WOW air bjóða upp á til og frá Montreal í júní, júlí og ágúst. Í könnuninni í október var munurinn á meðalverðinu aðeins 0,24 prósent. Hjá Icelandair kostaði farið, báðar leiðir, að jafnaði 74.281 kr. hjá Icelandair en 74.101 kr. hjá WOW air. Í dag hefur bilið á milli félaganna breikkað og nemur munurinn 5,2 prósentum. Meðalverð Icelandair hefur lækkað niður í 71.765 krónur en hækkað upp í 75.692 kr. hjá WOW. Farþegar WOW geta hins vegar sparað sér um 10 þúsund krónur með því að ferðast aðeins með léttan handfarangur. Eins og sjá má á grafinu hér fyrir neðan þá munar nokkur á fargjöldum milli mánaða, meðaltalið í júlí er t.d. hærra en í júní og ágúst.  

Mismunandi takmarkanir og aukagjöld

Hjá Icelandair hefur dvalartími áhrif á fargjöldin og í könnuninni var reiknað með a.m.k. vikudvöl og sætum á ódýrasta farrými. Styttri ferðir kosta oftast nokkru meira. Hafa ber í huga að farþegar Icelandair mega innrita tvær töskur sér að kostnaðarlausu en farþegar WOW borga fyrir þá þjónustu. Hámarksþyngd handfarangurs hjá Icelandair er 10 kíló en hjá WOW þarf að borga sérstaklega fyrir handfarangur sem er þyngri en fimm kíló. Hluti af veitingunum um borð er innifalinn hjá Icelandair en ekki hjá WOW.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …