Samfélagsmiðlar

Ríflega 800 þúsund fleiri farþegar geta flogið til Íslands

flug danist soh

Fleiri flugfélög bjóða upp á Íslandsflug í ár en í fyrra og umsvif þeirra íslensku eykst verulega. Erlendum ferðamönnum gæti því áfram fjölgað um tugi prósenta á milli ára. Fleiri flugfélög bjóða upp á Íslandsflug í ár en í fyrra og umsvif þeirra íslensku eykst verulega. Erlendum ferðamönnum gæti því áfram fjölgað um tugi prósenta á milli ára.
Sumaráætlun flugfélaganna hefst í lok næsta mánaðar og lýkur í enda október. Á þessu tímabili mun 21 flugfélag bjóða upp á reglulegar áætlunarferðir til og frá Keflavíkurflugvelli og miðað við hámarks sætafjölda í þotum félaganna þá verður pláss fyrir ríflega 2,8 milljónir farþega í vélunum þessa sjö mánuði. Í fyrra var sætafjöldinn ríflega tvær milljónir á sama tíma og aukningin milli ára nemur um 820 þúsund eða 40 prósentum samkvæmt útreikningum Túrista sem byggja á gögnum frá Isavia og flugfélögunum. Leiguflug á vegum ferðaskrifstofa er ekki tekið með í reikninginn.

Miklu fleiri ferðamenn á leiðinni

Erlendum ferðamönnum hér á landi fjölgaði um 29,4 prósent þá sjö mánuði sem sumaráætlun flugfélaganna var í gildi í fyrra samkvæmt talningu Ferðamálastofu. Á sama tíma jókst framboð á sætum í áætlunarflugi, til og frá Keflavíkurflugvelli, um nærri fjórðung. Túristunum fjölgaði s.s. meira en flugsætunum. Ef hlutfall erlendra ferðamanna í flugvélunum verður álíka hátt í ár og það var í fyrra þá gæti ferðamönnum í vor, sumar og haust fjölgað úr tæpum 900 þúsund upp í 1,2 til 1,3 milljónir.
Aukningin gæti hins vegar orðið minni ef t.d. hlutfall tengifarþega hjá Icelandair og WOW air eykst og sætanýting í Íslandsfluginu minnkar almennt. Forsvarsmenn Icelandair hafa til að mynda gefið það út að ekki sé við því að búast að sætanýting hjá félaginu verði hærri í ár en hún í fyrra. Það eru engu að síður merki um að ferðamannastraumurinn muni aukast verulega því líkt og Túristi greindi frá þá er bókunarstaða hjá stærstu hótelkeðjum landsins mjög góð þrátt fyrir umtalsverða aukningu á gistirýmum milli ára.
Hvað sem því líður er ljóst að í sumar verða sæti fyrir miklu fleiri erlenda ferðamenn í áætlunarferðunum til og frá landinu en í fyrra. Þá voru hins vegar fréttir af örtröð og vandræðum við vinsæla ferðamannastaði mjög áberandi. Vonandi hefur veturinn verið vel nýttur til að koma í veg fyrir að það ástand endurtaki sig.

Þau íslensku með bróðurpartinn

Af þessum liðlega 2,8 milljónum sæta sem í boði verða þá er ríflega 1,6 milljón, eða 57%, um borð í vélum Icelandair og tæpur fjórðungur hjá WOW air. Íslensku félögin tvö standa sem sagt undir um áttatíu prósent af öllu framboði á millilandaflugi héðan. Hlutfallið var það sama í fyrra og breytist ekki þó erlendu flugfélögunum fjölgi milli ára. Vægi WOW og Icelandair breytist þó innbyrðis frá því í fyrra þar sem WOW air bætir hlutfallslega mun meira við sætaframboð sitt en Icelandair gerir líkt og sjá má á myndunum hér fyrir neðan.
Þess ber að geta að tölur um framboð hvers flugfélags eru reiknaðar út frá hámarks farþegafjölda í þeim vélum sem félögin hyggjast nota á hverri flugleið.

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …