Samfélagsmiðlar

Rútur verða fýsilegri kostur eftir verðhækkanir á bílastæðum

airportexpress

Þann 1. apríl hækkar verðskrá bílastæðann við Keflavíkurflugvöll í annað sinn á einu ári. Það gæti orðið til þess að fleiri fari með rútu í flugið en áður. Þann 1. apríl hækkar verðskrá bílastæðann við Keflavíkurflugvöll í annað sinn á einu ári. Það gæti orðið til þess að fleiri fari með rútu í flugið en áður.
Flugfarþegi sem leggur bílnum sínum á langtímastæðið við Flugstöð Leifs Eiríkssonar borgar í dag 950 krónur fyrir sólarhringinn en gjaldið fer upp í 1.250 krónur þann 1. apríl. Hækkunin nemur nærri þriðjungi fyrstu vikuna en hún er töluvert hærri ef bíllinn er í stæðinu í meira en sjö daga. Dagverðið í annarri viku fer nefnilega úr 600 kr. í 950 kr. og í þriðju viku tvöfaldast gjaldið og verður 800 krónur. Frá og með vorinu kostar þá 3.750 kr. að leggja bílnum í þrjá daga, 8.750 kr. í viku og 15.400 kr. í tvær vikur. Verðskrá bílastæðanna hækkaði líka í fyrra eftir að hafa verið óbreytt í nokkur ár. Sólarhringsgjaldið var 800 fyrir ári síðan, fór í 950 kr. þann 1. apríl sl. en verður í 1.250 krónur eftir tæpa tvo mánuði. Samtals nemur hækkunin á sólarhringsgjaldinu 56 prósentum á einu ári.
Leiða má líkum að því að það séu helst Íslendingar sem nýta sér langtímabílastæðin við Keflavíkurflugvöll og því koma þessar verðhækkanir verst niður á heimamönnum. Í tilkynningu Isavia segir að nauðsynlegt sé að ráðast í stækkun á stæðunum vegna mikillar farþegafjölgunar en hins vegar voru íslenskir farþegar á Keflavíkurflugvelli um 20 þúsund fleiri árið 2007 en þeir voru í fyrra. Það stefnir hins vegar í að þetta tíu ára gamla met verði slegið í ár því á síðasta ári fjölgaði íslenskum farþegum í flugstöðinni um 50 þúsund.

Ódýrara en hjá frændþjóðunum

Bílastæðagjöld við Keflavíkurflugvöll hafa verið nokkru lægri en við stærstu flughafnir Norðurlanda en eins og gefur að skilja fer bilið minnkandi eftir þessar tvær verðbreytingar á einu ári. Við norrænu flugvellina gefst farþegum líka kostur að velja á milli stæða sem eru mis langt frá flugstöðinni og eru þau ódýrst sem eru fjærst. Í samanburði við ódýrustu stæðin sem í boði eru við hinar flugstöðvarnar þá er verðið hæst hér ef leggja á bílnum í eina viku. Annars er íslenska gjaldið lægra en gerist og gengur við flugvellina í Stokkhólmi, Ósló, Kaupmannahöfn og Helsinki eins og sjá má á súluritinu hér fyrir neðan.

Fylgja ekki lengur Reykjavíkurborg

Það verður ekki bara dýrara að leggja bílum til lengri tíma við Leifsstöð eftir þann 1. apríl nk. því gjaldskrá skammtímastæðanna, sem eru næst flugstöðinni, hækkar einnig. Núna kostar klukkutíminn þar 230 krónur en var á 150 kr. fyrir ári síðan. Klukkutíminn fer hins vegar upp í 500 kr. í vor og hefur verðið þá ríflega þrefaldast á einu ári. Þrátt fyrir þessa miklu verðhækkun þá eru skammtímastæðin ennþá ódýrari hér á landi en í nágrannalöndunum. Það vekur hins vegar athygli að þegar Isavia hækkaði verðið á skammtímastæðunum í fyrra þá kom fram í að bílastæðagjöld á Keflavíkurflugvelli myndu eftirleiðis fylgja breytingum á gjaldsvæði P1 hjá Reykjavíkurborg. Sú regla er hins vegar ekki lengur í gildi því klukkutími í stæði merktu P1 í miðborg Reykjavíkur hefur aðeins hækkað um 20 krónur en ekki 270 kr. líkt og nú gerist við Flugstöð Leifs Eiríkssonar. Samkæmt tilkynningu frá Isavia frá því á föstudag segir að ekki hafi verið hægt að halda þeirri verðstefnu áfram þar sem flýta þurfi framkvæmdum.

Rútan ódýrari fyrir lengri utanferðir

Hærri bílastæðagjöld gætu hins vegar orðið til þess að fleiri ferðist með rútum til og frá flugvellinum og þá minnkar þörfin fyrir stækkun bílastæða. Farþegar geta sparað sér umtalsverðar upphæðir með því að nota almenningssamöngur í og úr flugi og sérstaklega þeir sem eru að fara í lengri utanlandsferð eins og sjá á má grafinu hér fyrir neðan. Þar er gert ráð fyrir að farþegar kaupi miða, báðar leiðir í einu, hjá Airport Express eða Flugrútunni eða fyrr kosturinn er aðeins ódýrari. Auk þessara fyrirtækja þá býður Strætó upp á sætaferðir út á völl en áætlunin hentar hins vegar ekki þeim sem ætla í morgunflug til útlanda. Við afgreiðslu Airport Express við Holtagarða og við stoppistöð rútunnar við Mjódd eru stór bílastæði sem þó eru ekki frátekin fyrir farþega rútufyrirtækisins og við BSÍ, þaðan sem Flugrútan keyrir, eru einnig stæði. Það er þó ekki víst að það verði vel séð ef flugfarþegar fara að leggja þar í stórum stíl.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …