Samfélagsmiðlar

Engin ákvörðun um að selja aðgang að Cinque Terre

cinque terre Sylwia Pietruszka

Nýverið bárust fréttir að nýjum aðgangspössum að fjölförnu svæði í norðvesturhluta Ítalíu. Nýverið bárust fréttir að nýjum aðgangspössum að fjölförnu svæði í norðvesturhluta Ítalíu. Hið rétta er að málið er ennþá á hugmyndastigi.
Þjóðgarðurinn Cinque Terre á ítölsku ríveríunni samanstendur af fimm fallegum fiskiþorpum sem byggð er við klettótta ströndina. Húsin í þessum bæjum eru máluð í öllum regnbogans litum og er svæðið á heimsminjaskrá UNESCO. 
Cinque Terre hefur lengi verið vinsæll áfangastaður ferðafólks en undanfarin ár hefur þeim fjölgað mjög mikið og sérstaklega eftir að skemmtiferðaskip hófu að hleypa farþegum sínum í land þarna við Liguríuströndina. Talið er að um 2,5 milljónir ferðalanga hafi heimsótt Cinque Terre í fyrra og í síðasta mánuði bárust af því fréttir að ítölsk stjórnvöld hefðu ákveðið að hefja sölu á sérstökum aðgangspössum að svæðinu og fækka þannig ferðafólki um eina milljón á ári. 

Rangtúlkuð tillaga

Hið rétta er hins vegar að engin ákvörðun hefur verið tekin um taka upp fjöldatakmarkanir við Cinque Terre samkvæmt tilkynningu frá ferðamálaráði Ítalíu. Þar segir að þjóðgarðsnefnd svæðisins hafi líst yfir áhyggjum af miklum ágangi ferðamanna og lagt til að aðgengi að svæðinu yrði takmarkað. „Þessi tillaga hefur verið túlkuð í erlendum fjölmiðlum sem ný regla en svo er ekki. Það hefur ekki verið tekin nein ákvörðun um að draga úr möguleikum fólks að heimsækja Cinque Terre,“ segir jafnframt í tilkynningunni. Yfirvöld vinna hins vegar að tillögum um hvernig megi vernda þorpin, dreifa ferðamönnum betur yfir árið og tryggja öryggi þeirra en um leið auka skilning gesta á því að svæðið er viðkvæmt og ganga verði varlega um.

Jafnstórt svæði og Garðabær

Áskoranirnar við Cinque Terre eru því álíka og þær sem ferðaþjónustan hér á landi tekst á við um þessar mundir. Stóri munurinn er hins vegar sá að nærri tvöfalt fleiri ferðamenn heimsóttu Cinque Terre í fyrra en allt Ísland. Þessi fimm ítölsku klettaþorp ná samt aðeins yfir jafnstórt svæði og Garðabær og til gaman má svo geta að samkvæmt hótelbókunarvefnum Booking.com eru 517 gististaðir í Cinque Terre en aðeins þrír í Garðabæ, eitt gistiheimili og tvö orlofsíbúðir. 
SMÁAUGLÝSINGAR FERÐAÞJÓNUSTUNNAR: Húsnæði við Keflavíkurflugvöll til leigu

Nýtt efni

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …