Samfélagsmiðlar

Leggja áherslu á millilandaflug frá Akureyri yfir vetrarmánuðina

akureyri egilsstadir

Áfram er samt unnið að því að koma á áætlunarferðum frá höfuðstað Norðurlands til útlanda. Ekkert verður úr áformum um beint flug milli Kaupmannahafnar og Akureyrar í sumar. Áfram er samt unnið að því að koma á áætlunarferðum frá höfuðstað Norðurlands til útlanda.
Í sumar stóð til að flogið yrði einu sinni í viku frá Akureyri til höfuðborgar Danmerkur á vegum ferðaskrifstofunnar Trans-Atlantic en millilandaflug frá þessum þriðja stærsta flugvelli landsins hefur takmarkast við óreglulegt leiguflug síðustu ár. Forsvarsmenn Trans-Atlantic segja þó ólíklegt að samstaða náist meðal hagsmunaðila hér á landi um verkefnið á næstunni og því verður það ekki að veruleika í ár líkt og Túristi greindi frá. Hins vegar er áfram unnið að því að starfrækja þessa flugleið á næsta ári. 

Beðið eftir flugþróunarsjóði

„Það eru að sjálfsögðu ekki góðar fréttir að ekki náist að koma á millilandaflugi til Kaupmannahafnar í sumar en við vinnum enn að fullum krafti að því að markaðssetja Norðurland fyrir flugfélögum,“ segir Arnheiður Jóhannsdóttir, framkvæmdastjóri Markaðsstofu Norðurlands, aðspurð um stöðuna á millilandaflugi frá Akureyri. Að sögn Arnheiðar er lögð áhersla á að koma á millilandaflugi þaðan að vetri til og á borðinu eru nokkur verkefni sem tengjast reglulegu flugi til lengri tíma og leiguflugi. „Við bíðum nú tíðinda af flugþróunarsjóði sem mun standa til boða á þessu ári og verður til þess að styðja við verkefnin,“ bætir Arnheiður við. En sl. haust skilaði nefnd á vegum forsætisráðuneytisins tillögum að því hvernig hægt væri að efla millilandaflug frá Akureyri og Egilsstöðum. Niðurstaðan m.a. sú að veita aðilum markaðsstyrki og fella niður í flugvallargjöld til nokkurra ára. Nánari útlistanir á því hvernig að staðið verður að veitingu þessara styrkja liggja ekki fyrir. Þrátt fyrir það verður starfrækt áætlunarflug milli Egilsstaða og Lundúna í sumar að frumkvæði bresku ferðaskrifstofunnar Discover the World. Það eru ferðaskrifstofunnar Fjallasýn og Tanni Travel sem halda utan um flugið frá Íslandi til Bretlands og hægt er að bóka miða á heimasíðunni FlyEurope.is. Þar kemur fram að farmiði, báðar leiðir, kosti 74 þúsund krónur.

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …