Samfélagsmiðlar

Með Icelandair til stærsta þyrluflugvallar Evrópu

aberdeen flugvollur

Það er ekki flókið að fara um flugstöðina í Aberdeen þrátt fyrir allar þyrlurnar. Það er ekki flókið að fara um flugstöðina í Aberdeen þrátt fyrir allar þyrlurnar.
Einn helsti kosturinn við að fljúga til minni borga er sá að þar eru flugstöðvarnar alla jafna smáar í sniðum og því fljótlegt að fara um þær. Ein af undantekningunum frá þessari reglu er Keflavíkurflugvöllur sem er merkilega stór miðað við fámennið hér á landi. Flugstöðin í Aberdeenskíri er hins vegar lítil og þægileg þó íbúarnir þar séu litlu færri en hér á landi eða kvartmilljón. Farþegar sem eru eingöngu með handfarangur komast því frá flugvélinni og upp í leigubíl eða flugvallarrútu á nokkrum mínútum. Hinir sem eru með stærri tösku, eða golfsett, sækja sitt á eina farangursbeltið í flugstöðinni. Einfaldara gæti það varla verið.

Ferðamenn í stað olíu

Þrátt fyrir smæð flughafnarinnar í Aberdeen þá er hún engu að síður stærsti þyrluflugvöllur í Evrópu og þar standa þyrlur af öllum stærðum og gerðum á meðan flugflotinn er mun minni. Ástæðan fyrir þessari miklu þyrluumferð er sú að við austurströnd Skotlands liggja óteljandi olíuborðpallar og Aberdeen er helsta miðstöð breska olíuiðnaðarins. Það er ástæðan fyrir því að fasteignaverð í Aberdeen með því hæsta sem þekkist í Bretlandi. Umferðin út á olíupallana hefur hins vegar dregist saman síðustu misseri því umsvifin þar hafa minnkað með lækkandi olíuverði. Og einmitt vegna þessara breytinga vilja hæstráðendur í Aberdeen og nágrenni setja kraft í ferðaþjónustuna og fagna því nýju áætlunarflugi Icelandair til borgarinnar. Með komu íslenska flugfélagsins styttist til að mynda ferðatíminn milli Aberdeen og flestra borga í N-Ameríku töluvert og íbúar Aberdeen, á leið vestur um haf, geta þá líka flogið beint úr heimabyggð í stað þess að fara um Edinborgarflugvöll.

Varla fríhöfn

Á sama hátt og það tekur skamman tíma að koma sér frá flugvél og út á götu við komuna til Aberdeen þá er leiðin frá innritunarborðinu og að brottfararhliði flugvallarins stutt. Stærð flughafnarinnar takmarkar hins vegar úrvalið af mat og varningi og farþegar sem mæta í flugið svangir eða eiga eftir að redda gjöfum hafa ekki úr miklu að moða. Þarna er bókabúð, lítil fríhafnarverslun, krá með einfaldan matseðil og svo kaffihús. Það er því vissara að borða niðri í bæ áður en heimferðin hefst. 
Það tekur um hálftíma að keyra milli Aberdeen og flugstöðvarbyggingarinnar og skiptir þá litlu hvort setið er í leigubíl eða flugvallarrútunni. Fyrri kosturinn kostar um 15 pund en sá seinni er fimmtungi ódýrari en þar er frítt net um borð. Gott er að hafa í huga að skoskir leigubílstjórar taka oft ekki við greiðslukortum.

Túristi heimsótti Aberdeen í boði Icelandair og ferðamálaráðs Aberdeenskíris. 
Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …