Samfélagsmiðlar

Bilið á milli Icelandair og WOW hefur helmingast

saeti icelandair wow

Á árunum 2013 og 2014 flutti Icelandair ríflega fimm sinnum fleiri farþega en WOW air. Núna er bilið miklu minna. Á árunum 2013 og 2014 flutti Icelandair ríflega fimm sinnum fleiri farþega en WOW air. Núna er bilið miklu minna.
Í lok þessa mánaðar eru liðin fjögur ár frá fyrsta flugi WOW air og var félagið þá um leið þriðja umsvifamesta flugfélagið á Keflavíkurflugvelli á eftir Icelandair og Iceland Express. WOW tók hins vegar það síðarnefnda yfir haustið 2012. Fyrsta heila árið í rekstri lággjaldaflugfélagsins var því 2013 og þá flugu 412.583 farþegar með félaginu. Farþegafjöldinn hjá Icelandair það sama ár var nærri 2,3 milljónir eða 5,5 sinnum meiri og árið eftir var munurinn álíka mikill eða ríflega fimmfaldur. Með tilkomu áætlunarflugs WOW til Bandaríkjanna sl. vor þá fjölgaði farþegum félagsins verulega en samt sem áður var Icelandair ríflega fjórum sinnum stærra flugfélag, í farþegum talið, í fyrra.
Síðustu misseri hafa umsvif WOW haldið áfram að aukast hratt og þegar bornar eru saman farþegatölur fyrirtækjanna tveggja fyrir síðustu þrjá mánuði kemur í ljós að bilið hefur helmingast frá árinu 2013 eins og sjá má á línuritnu hér fyrir neðan. Í apríl flutti WOW til að mynda 80 þúsund farþega en þeir voru 214 þúsund hjá Icelandair eða 2,7 sinnum fleiri.

Ólíkir flugflotar í framtíðinni

Þegar litið er til talninga Túrista yfir fjölda flugferða frá Keflavíkurflugvelli í apríl þá var munurinn á ferðum félaganna ögn meiri eða 3,1 (310,1%). Helsta ástæðan fyrir mismuninum er sú að í flugflota WOW er að finna 200 sæta þotur á meðan Boeing vélar Icelandair taka 183 farþega. Um þessar mundir er Icelandair hins vegar að taka í notkun tvær Boeing 767 breiðþotur og tvær í viðbót bætast við á næsta ári. Í þessum flugvélum eru sæti fyrir áttatíu fleiri farþega en í þeim sem fyrir eru í flota félagsins. Á þarnæsta ári fær Icelandair svo afhentar fyrstu Boeing-737 MAX8 og 9 þotur sínar en þær rúma færri farþega eða um 150 annars vegar og 170 hins vegar. Forsvarsmenn WOW air ætla hins vegar að byggja upp sinn flugflota með stærri Airbus vélum með allt að 200 sætum og mun félagið svo nýta 340 sæta Airbus-330 vélar í áætlunarflug sitt til Kaliforníu sem hefst í næsta mánuði.

 

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …