Samfélagsmiðlar

Hægt að komast á átta liða úrslitin fyrir tæpar 22 þúsund krónur

fotboltavollur liane metzler

Ef íslenska liðið leggur það enska í Nice á mánudaginn þá mun það spila í París á sunnudaginn. Ódýrustu flugmiðarnir til borgarinnar kosta tæpar 22 þúsund krónur. Ef íslenska liðið leggur það enska í Nice á mánudaginn þá mun það næst spila í París á sunnudaginn. Ódýrustu flugmiðarnir til borgarinnar kosta tæpar 22 þúsund krónur.
Það er vissulega algjörlega ótímabært að velta því fyrir sér hvað það kosti að gera sér ferð á leik Íslands í átta liða úrslitum EM í Frakkland. Fyrst þarf liðið nefnilega að sigra firnasterkt lið Englendinga í Nice á mánudag. En ef það tekst þá eiga strákarnir næst að mæta til leiks á Stade de France í París sunnudagskvöldið 3.júlí og þá verður andstæðingurinn annað hvort heimamenn í franska landsliðinu eða Írar. Það yrðu vafalítið mjög margir til að vera viðstaddir þá stund og sem betur fer er framboð á flugi héðan til frönsku höfuðborgarinnar miklu meira en til Nice. Það endurspeglast í verðinu því til Parísar má komast fyrir mun minna en þessar 80 til 150 þúsund krónur sem sætin til Nice hafa verið boðin á síðustu daga. Samkvæmt athugun Túrista kosta ódýrustu farmiðarnir til Parsíar, dagana í kringum leikinn, 21.892 krónur en ekki liggur fyrir hversu mörg sæti eru í boði á því verði. 

Ódýrustu farmiðarnir til Parísar í kringum sunnudaginn 3.júlí.
21.892 kr. með Transavia, 2.-5.júlí
24.646 kr. með Transavia, 2.-4.júlí
48.997 kr. með WOW, 1.-5.júlí
52.997 kr. með WOW, 2.-5.júlí
66.665 kr. með Icelandair, 1.-5.júlí

Hér má svo gera verðsamanburð á gistingu í París í kringum leikdaginn.

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …