Samfélagsmiðlar

Við þurfum ekki að vera bara móttakendur vaxtar

erlendir ferdamenn

Ferðamálastjóri kallar eftir umræðum um hvað ferðaþjónustan getur lagt af mörkum til samfélagsins. Ferðamálastjóri kallar eftir umræðum um hvað ferðaþjónustan getur lagt af mörkum til samfélagsins. 
Jafnt og þétt berast fregnir af tugprósenta aukningu í komum ferðamanna til landsins og forstjóri Icelandair Group talaði nýverið um að ferðamenn gætu orðið um 5 milljónir á ári í framtíðinni. Eða þrefalt fleiri en búist er við í ár. Ólöf Ýrr Atladóttir, ferðamálastjóri, segir hins vegar mikilvægt að líta á ferðaþjónustuna sem atvinnugrein sem hægt sé að hafa áhrif á og við þurfum ekki bara að vera móttakendur vaxtar. „Þá er svolítið skrýtið að umræðan um ferðaþjónustuna sé þannig að þetta sé einhver holskefla fjölgunar, sem við getum með engu móti stýrt, heldur þurfum bara að bregðast við með stækkun, fjölgun og aukningu – í staðinn fyrir að velta fyrir okkur: Bíddu! Hvernig getum við formað þessa atvinnugrein eins og aðrar.“ Þetta sagði ferðamálastjóri á Morgunvaktinni á Rás 1 í morgun. 

Hvað getur ferðaþjónustan gert fyrir samfélagið?

Ólöf Ýrr benti jafnframt á sérstöðu ferðaþjónustunnar því hún væri í nánum tengslum við fólk og samfélagið í heild. Þess vegna þurfi að ræða hversu mikið mark hún setji á landið, samfélagið og okkar daglega líf. „Við erum í þeirri aðstöðu að geta velt fyrir okkur ekki eingöngu hvað leggja þurfi til ferðaþjónustunnar – heldur líka hvað við viljum að ferðaþjónustan geri fyrir íslenskt samfélag.“ 
Viðtal Morgunvaktarinnar við ferðamálastjóra má nálgast hér.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …