Samfélagsmiðlar

Íslensku flugfélögin með yfirburðastöðu

kef icelandair wow

Þotur á vegum 18 erlendra flugfélaga flugu reglulega til og frá landinu í júní en þrátt fyrir fjöldann þá standa Icelandair og WOW undir nærri 8 af hverjum 10 brottförum. Þotur á vegum 18 erlendra flugfélaga flugu reglulega til og frá landinu í júní en þrátt fyrir fjöldann þá standa Icelandair og WOW undir nærri 8 af hverjum 10 brottförum.
Í júní í fyrra skiptust áætlunarferðirnar frá Keflavíkurflugvelli á milli 16 flugfélaga en í ár voru félögin 21. Þar af þrjú íslensk en tvö þeirra, Icelandair og WOW air, eru lang umsvifamest. Í júní sl. voru til að mynda um sex af hverjum tíu brottförum á vegum Icelandair og WOW air stóð fyrir fimmtungi. Sameiginlegt vægi félaganna var álíka hátt í júní fyrra og hittifyrra en ögn hærra á sama tíma árið 2013 eða 84,2 samkvæmt talningum Túrista.

SAS og Delta stórauka umsvifin

Flest þau flugfélög sem stunda Íslandsflug yfir sumarmánuðina hafa fjölgað ferðum frá því í fyrra. Hlutfallslega hefur aukningin hins vegar verið einna mest hjá hinu skandinavíska SAS og hinu bandaríska Delta. Bæði félög hafa nærri tvöfaldað ferðafjöldann hingað til lands og munar þar um nýja flugleið SAS frá Kaupmannahöfn og Delta flýgur nú hingað í fyrsta sinn frá Minneapolis. Þessi tvö félög komast því á listann yfir fimm umsvifamestu flugfélögin á Keflavíkurflugvelli í júní.
Eins og sjá má hér fyrir neðan þá breytist hlutdeild Icelandair og WOW töluvert á milli ára. Tekið skal fram að tölurnar eiga aðeins við fjölda ferða hjá flugfélögnum en ekki farþegafjölda. Síðarnefndu upplýsingarnar eru ekki opinberar.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …