Samfélagsmiðlar

Hlutfall íslenskra gesta á íslenskum hótelum hefur hríðfallið

hotelrum nik lanus

Þó heimamenn bóki nú tvöfalt fleiri gistingar á íslenskum hótelum þá hefur vægi þeirra lækkað mjög hratt. Þó heimamenn bóki nú tvöfalt fleiri gistingar á íslenskum hótelum þá hefur vægi þeirra lækkað mjög hratt.
Á árunum fyrir síðustu aldarmót var fjórði hver gestur á hótelum landsins Íslendingur. Hlutfallið var komið undir fimmtung árið 2001 en fram að hruni fór vægi íslenskra gesta vaxandi á ný. Síðustu ár hefur erlendum ferðamönnum hér á landi hins vegar fjölgað um 20 til 30 prósent á milli ára og á sama tíma hefur vægi íslenskra gesta snarminnkað þó þeir bóki í dag tvöfalt fleiri gistingar á íslenskum hótelum en þeir gerðu árið 1997 samkvæmt tölum Hagstofunnar.

Allt annað mynstur í Skandinavíu

Þessi þróun hefur haldið áfram því fyrstu átta mánuði þessa árs hefur aðeins tíunda hvert hótelherbergi á landinu verið leigt út til Íslendinga en hlutfallið var einu prósentustigi hærra á sama tíma í fyrra. Í Danmörku hefur vægi danskra hótelgesta hins vegar verið 54 prósent í ár og hlutdeild heimamanna er ennþá hærra í Noregi og Svíþjóð. Líklega hefur stærð þessara tveggja landa mikið að segja í þessu samhengi en hvað sem því líður er ljóst að heimamarkaðurinn er miklu þýðingarmeiri fyrir skandinavíska hótelstjóra en þá íslensku samkvæmt gistináttatalningum hagstofa þessara landa.

Hlutfallið dregst líka saman í flugvélum

Í fyrra komu tæplega 1,3 milljónir ferðamanna hingað eða um fjórfaldur sá fjöldi sem býr í landinu og það gefur því augaleið að vægi íslenskra viðskiptavina dregst ekki aðeins saman á hótelum heldur líka hjá öðrum fyrirtækjum í ferðaþjónustu. Jafnvel þó við ferðumst meira. Árið 2006 voru farþegar búsettir á Íslandi til að mynda 28 prósent þeirra sem flugu með Icelandair en í dag er hlutfallið helmingi lægra og aðeins sjöunda hvert sæti í þotum flugfélagsins er í dag skipað Íslendingi. 
Og það segir kannski sitthvað um breytt landslag að árlegar markaðsherferðir sem höfðu þann tilgang að fá Íslendinga til að ferðast innanlands, eins og Ísland er með´etta, heyra nú sögunni til og áskrift að léni átaksins, Islandermedetta.is, hefur ekki verið endurnýjuð.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …