Samfélagsmiðlar

WOW bætir við írskum áfangastað

Hingað til hafa írsku flugfélögin Aer Lingus og Ryanair haldið uppi flugsamgöngum frá strandborginni Cork en á því verður breyting í vor. Hingað til hafa írsku flugfélögin Aer Lingus og Ryanair haldið uppi flugi frá strandborginni Cork en á því verður breyting í vor.
Á sama tíma og samgöngur milli Íslands og Bretlands stórjukust þá takmarkaðist framboð á flugi til Írlands lengi vel við leiguflug á vegum ferðaskrifstofa. Í sumarbyrjun 2014 hóf WOW air hins vegar heilsárs áætlunarflug til Dublin og hefur félagið jafnt og þétt fjölgað ferðunum þangað. Næsta vor aukast umsvif íslenska lággjaldaflugfélagsins á Írlandi enn frekar því þá fer WOW jómfrúarferð sína til borgarinnar Cork sem er við suðurströnd Írland.
Samkvæmt heimasíðu WOW verða í boði fjórar ferðir í viku og kosta ódýrustu farmiðarnir 7.999 krónur í vor og haust en 12.999 í júlí og ágúst. Við farmiðaverðið bætast svo bókunargjöld og eins þarf að borga undir innritaðan farangur.

Írsku flugfélögin horfa ennþá ekki til Íslands

Forsvarsmenn Ryanair, stærsta lággjaldaflugfélags Evrópu, sýndu Íslandsflugi áhuga fyrir nokkrum árum síðan og könnuðu meira að segja aðstæður á Akureyri líkt og Túristi greindi frá. Félagið hefur hins vegar einbeitt sér að vexti á meginlandi Evrópu í stað þess að hefja flug til Íslands. Það sama er upp á teningnum hjá Aer Lingus sem er stórtækt í flugi yfir hafið og á í samkeppni við íslensku félögin í flugi til fjölmargra borga í N-Ameríku. Farþegar Aer Lingus í Cork þurfa hins vegar í dag að millilenda í Dublin ef þeir ætla að fljúga til Bandaríkjanna eða Kanada en með tilkomu WOW geta íbúarnir hins vegar líka flugið vestur um haf með viðkomu í Flugstöð Leifs Eiríkssonar. Nýverið varð Aer Lingus hluti af IAG en innan vébanda þess eru flugfélögin British Airways, Iberia og Vueling sem öll bjóða upp á flug til Íslands. 

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …