Samfélagsmiðlar

Jólabjórinn þriðjungi ódýrari í Fríhöfninni

Sala á jólabjór er hafin bæði í Fríhöfninni og í Vínbúðunum og sem fyrr munar töluverðu á verðskrám þessara tveggja fyrirtækja. Framkvæmdastjóri Fríhafnarinnar segir hluta farþega nú kaupa áfengið á erlendum flugvöllum í stað þess að versla við komuna til landsins.

frihofnin

Þeir sem koma fljúgandi til landsins á næstunni og kaupa sér kippu af jólabjór í Fríhöfninni borga allt að 38 prósent minna en sá sem fer í Vínbúð og nær sér í öl af sömu tegund. Í krónum talið er munurinn mestur ef keypt er kippa af Giljagaur en hún kostar 2.999 krónur í Fríhöfninni en 4.662 kr. í Vínbúðunum. Verðmunurinn er 1.663 krónur en Giljagaur er dýrastur af þeim 11 tegundum af jólabjór sem seldar er í Fríhöfninni fyrir þessi jól samkvæmt heimasíðu verslunarinnar. Föroya jólabruggið er hins vegar ódýrast og hlutfallslega er minnstur sparnaðurinn í kaupum á því í Fríhöfninni eins og sjá má á töflunni hér fyrir neðan.
Heilt yfir má segja að sá sem kaupir bjór í Fríhöfninni borgi aðeins fyrir 4 bjóra en fái sex í samanburði við verðlagið í Vínbúðunum.

Vísbendingar um að áfengisverslunin hafi flust úr landi

Í sumarbyrjun var reglum um áfengiskaup ferðamanna breytt á þann veg að nú geta þeir nýtt allan tollinn til kaupa á aðeins sterku áfengi, léttvíni eða bjór. Áður þurfti að blanda saman sortum í samræmi við fimm ólíkar samsetningar. Þá gátu flugfarþegar í mesta lagi keypt fjórar kippur af bjór en hámarkið er núna sex hálfs lítra kippur. Þrátt fyrir þessa aukningu hefur bjórsala dregist saman í Fríhöfninni frá því að reglunum var breytt líkt og Túristi greindi frá. Við breytingarnar í sumar var Fríhöfninni ekki lengur heimilt að bjóða farþegum að panta vörur í komuversluninni og sækja þær tilbúnar við komuna til landsins. Þorgerður Þráinsdóttir, framkvæmdastjóri Fríhafnarinnar, segir vísbendingar um að með þessu hafi verslun flust úr landi því þessi pöntunarþjónusta hafi mest verið nýtt til kaupa á tollkvótanum því viðskiptavinurinn sparaði sér tíma og fyrirhöfn. „Að minnsta kosti hluti þessara viðskipavina kaupir nú tollkvótann á þeim flugvelli sem flogið er frá því þar þarf hann hvort sem er að bíða. Keflavíkurflugvöllur tapar því tekjum til annarra flugvalla.“

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …