Samfélagsmiðlar

Spánn í Smáralind um helgina

barcelona Tyler Hendy

Þeir sem vilja kynna sér hinar margvíslegu hliðar hins vinsæla ferðamannalands geta gert það á föstudag og laugardag. Þeir sem vilja kynna sér hinar margvíslegu hliðar hins vinsæla ferðamannalands geta gert það á föstudag og laugardag.
Ferðamálastofa Spánar heldur ferðakynningu í Smáralind þann 11. og 12. nóvember næstkomandi. Slagorð kynningarinnar er „I need Spain” og munu fulltrúar frá ferðamálastofu Katalóníu og Valensíu kynna sín héruð auk fulltrúa frá ferðamálastofu Spánar samkvæmt því sem segir í tilkynningu. Auk þess að kynna mismunandi áfangastaði á Spáni verður boðið upp á að smakka mat frá Spáni í boði INNNES og saltfisk frá Íslandi í boði Atlantic Quality Fish og Íslandsstofu. Gítarleikarinn Þorvaldur Már Guðmundsson mun bjóða uppá lifandi spænska gítartóna á föstudaginn milli kl. 15:30 og 16:30 og á laugardaginn milli kl. 13 og 15. 

Stóraukið framboð á Spánarferðum

Spánn er stórveldi á sviði ferðaþjónustunnar og býður uppá marga og ólíka áfangastaði svo allir ættu að geta fundið eitthvað við sitt hæfi. Landið er Íslendingum vel kunnugt, og þá aðallega fyrir sólarstrendur sínar. En landið hefur uppá margt annað að bjóða einnig eins og t.d. ferðir um Jakobsveginn, og svo er landið einnig vinsælt hjá íslenskum námsmönnum sem sækja mikið í nám á Spáni. Mörg flugfélög fljúga á milli Íslands og Spánar og áfangastöðunum er sífellt að fjölga. Í vetur verður til dæmis í fyrsta skipti boðið upp á vetrarflug héðan til Madrídar og Barcelona en til síðarnefndu borgarinnar fljúga þrjú flugfélög í vetur.
Ferðamálaráð Spánar gaf líka nýverið út ferðabæklinga á íslensku sem lesa má hér.

Nýtt efni

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …