Samfélagsmiðlar

Ein taska í stað tveggja í Ameríkuflugi Icelandair

kef taska 860

Breytingar á farangursheimild farþega Icelandair á leið vestur yfir haf. Fargjöld fara lækkandi segir talsmaður félagsins.
Til þessa hafa tvær innritaðar ferðatöskur verið hluti fjargjaldsins í flugi Icelandair til Bandaríkjanna og Kanada en ein taska þegar flogið er til Evrópu. Frá og með 17. janúar næstkomandi verða farangursreglur félagsins samræmdar þannig að ein innrituð ferðataska, auk handfarangurs, verður innifalin í flugfargjaldi á almennu farrými bæði til Evrópu og Norður-Ameríku. Aðspurður um ástæður þessara breytinga segir Guðjón Arngrímsson, upplýsingafulltrúi Icelandair, að aðeins hluti farþega félagsins hafi nýtt sér þess tveggja tösku heimild. Hann bendir jafnframt á að ekkert annað flugfélag hafi tvær töskur innifaldar í fargjaldinu hjá sér og mörg þeirra rukki til að mynda aukalega fyrir allan farangur. „Hjá Icelandair erum við stöðugt að laga þjónustu okkar að nýjum aðstæðum og óskum viðskiptavina. Við bjóðum upp á góð sæti og sætabil, afþreyingarkerfi, þráðlaust netsamband, þrjú farrými, mikla veitingaþjónustu um borð og svo framvegis. Öll okkar þjónusta er í stöðugri skoðun og þróun og samræming á farangursreglunum er liður í því.”

Lækka fargjöld á móti

Samhliða þessum breytingum boðar Icelandair lækkun á fargjöldum til N-Ameríku en sú lækkun er ekki föst tala eða ákveðið hlutfall að sögn Guðjóns. „Verð er að lækka um þessar mundir um nokkur þúsund krónur, en flugverð er breytilegt, eins og allir þekkja og fer mjög eftir eftirspurn og markaðsaðstæðum á hverjum tíma.” En hefur aukin samkeppni í flugi yfir hafið ekki mikil áhrif líka, ekki bara frá Íslandi heldur líka frá Evrópu? „Jú, við sjáum þessa sömu þróun allt í kringum okkur og tökum þátt í henni. Höldum ákveðinni sérstöðu, m.a. með séríslenskum áherslum og blæbrigðum í þjónustunni sem reynist vel, en höldum okkar samkeppnishæfni“.

Þeir sem bóka flug með Icelandair til N-Ameríku fyrir 17. janúar mega taka með sér tvær töskur, óháð því hvenær sjálf ferðin verður farin. Farangursheimild hjá börnum, 2-11 ára, verður á sama tíma aukin því þá verður fólki gert kleift að innrita smákerru ofan á hefðbundna farangursheimild.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …