Samfélagsmiðlar

Ferðabann Trump hefur áhrif á farþega íslensku flugfélaganna

bandarikin fani thomas kelley

WOW mun endurgreiða farmiða þeirra farþega sem ekki fá að ferðast til Bandaríkjanna vegna tilskipunar forseta landsins og þess háttar mál verða skoðuð með „jákvæðum hug“ hjá Icelandair. WOW mun endurgreiða farmiða þeirra farþega sem ekki fá að ferðast til Bandaríkjanna vegna tilskipunar forseta landsins og þess háttar mál verða skoðuð með „jákvæðum hug“ hjá Icelandair.
Á föstudag gaf Donald J. Trump, Bandaríkjaforseti, út tilskipun þar sem fólki frá Sýrlandi, Írak, Íran, Jemen, Lýbíu, Sómalíu og Súdan er tíma­bundið bannað að ferðast til Banda­ríkj­anna. Í kjölfarið hefur fjöldi flugfarþega með vegabréf frá þessum löndum verið meinað að koma inn í landið og hefur þetta valdið vandræðum á fjölmörgum flughöfnum vestanhafs. Tilskipun forsetans hefur verið gagnrýnd harðlega bæði innan Bandaríkjanna sem og utan, meðal annars af ráðherrum í ríkisstjórn Íslands.
Bæði Icelandair og WOW air eru stórtæk í flugi til Bandaríkjanna og til að mynda fljúga 13 þotur á vegum félaganna tveggja til Bandaríkjanna í dag með sætum fyrir hátt í þrjú þúsund farþega. Að sögn Svanhvítar Friðriksdóttur, upplýsingafulltrúa WOW, þá hafa um tíu farþegar, frá fyrrnefndum sjö ríkjum, haft samband við þjónustuver flugfélagsins vegna ferðabannsins og hafa forsvarsmenn WOW ákveðið að endurgreiða eða leyfa breytingar á farmiðum farþegunum að kostnaðarlausu. Guðjón Arngrímsson hjá Icelandair segir að hingað til hafi ekki nein tilfelli komið inn á borð félagsins vegna tilskipunnar Trump en eðlilega fái félagið fjölda fyrirspurna um málið. Aðspurður um endurgreiðslur á farmiðum til farþega sem kynnu að lenda í vandræðum við bandarísk landamæri segir Guðjón að hvert tilfelli verði skoðað fyrir sig með jákvæðum huga. 

Eins og áður segir þá hefur fjöldi fólks verið stöðvaður við komuna til Bandaríkjanna síðustu sólarhringa og þar á meðal einstaklingar með dvalarleyfi í Bandaríkjunum eða tvöfalt ríkisfang. Telja andstæðingar ferðabannsins það til marks um hversu vanhuguð tilmæli forsetans voru og illa undirbúin. 
Nýtt efni

Þegar stjórnendur Easyjet ákváðu að hefja flug til Keflavíkurflugvallar árið 2012 gerðu þeir aðeins ráð fyrir áætlunarflugi hingað yfir sumarmánuðina frá London. Viðtökurnar voru hins vegar það góðar að þeir bættu strax við vetrarflugi. Segja má að sú viðbót hafi valdið straumhvörfum í íslenskri ferðaþjónustu því í kjölfarið komu hingað miklu fleiri breskir ferðamenn yfir …

Stærsti bílaframleiðandi heims lætur ekki haggast þó hann hafi mætt nokkru andstreymi að undanförnu. Hluthafafundur Toyota endurnýjaði traust sitt á 10 manna stjórn fyrirtækisins í dag, þar á meðal á formanninum, Akio Toyoda, sem verið hefur í forystusveit fjölskyldufyrirtækisins frá aldamótum. Hann vék úr starfi forstjóra fyrir rúmu ári og varð stjórnarformaður. Nú hefur þessi …

Hér á landi hefur fjöldi erlendra vegabréfa við vopnaleitina á Keflavíkurflugvelli verið helsti mælikvarðinn á gang mála í ferðaþjónustunni. Á hinum Norðurlöndunum er ekki hægt að stunda svona talningu á flugvöllum enda margir sem koma landleiðina. Gistinætur útlendinga eru því aðalmælikvarðinn á gang mála í ferðaþjónustunni hjá frændum okkar og samtals voru þær 15,3 milljónir …

Búist er við að 38 prósenta hækkun tolla á innflutta rafbíla frá Kína hægi á sókn framleiðenda þar inn á Evrópumarkað. Hins vegar verður það aðeins tímabundið. Kínverskir framleiðendur hafa þegar náð sterkri stöðu í tæknimálum og getu til að framleiða á hagkvæman hátt - þeir ráða yfir allri aðfangakeðju framleiðslu sinnar. Að auki munu …

Fyrstu helgina í júní stefndi í verkfall flugmanna Norwegian í Noregi en samningar tókust á elleftu stundu. Flugfélagið hafði áður samið við danska og spænska flugmenn en þeir norsku kröfðust hlutfallslega meiri hækkunar og vísuðu til þess að laun þeirra stæðust ekki samanburð við starfsbræður sína í Evrópu vegna þess hve veik norska krónan er. …

„Það umfangsmikið verkefni að opna nýja álmu við flugstöð. Byggingin þarf að uppfylla fjölmargar kröfur yfirvalda , m.a. um innréttingar, eldvarnir, umhverfiskröfur og vinnuaðstæður. Það þarf líka að setja upp flókinn tækjabúnað, sem þarnast sérhæfðrar þekkingar og margra stunda þjálfun ef hann á að skila sínu hlutverki. Það gildir um nýjan öryggisbúnað flugvallarins," segir í …

Suður-kóreski bílaframleiðandinn Hyundai veðjar á fjórða stærsta bílamarkað heims, Indland. Stærstu markaðirnir eru Kína, Bandaríkin og Japan - en Indlandsmarkaður vex hratt og mikil sala er í litlum og sparneytnum gerðum bíla. Á síðasta ári keypti dótturfélag Hyundai á Indlandi verksmiðjur General Motors í Maharashtra í vestanverðu landinu með það fyrir augum að auka framleiðslu …