Samfélagsmiðlar

Taka við ábendingum frá borgurum um brot á reglum um heimagistingu

reykjavik Tim Wright

Strangari reglur um leigu á húsnæði til ferðamanna gengu í gildi um áramót. Hámarkssekt við brotum er ein milljón króna. Strangari reglur um leigu á húsnæði til ferðamanna gengu í gildi um áramót. Hámarkssekt við brotum er ein milljón króna.
Frá og með áramótum takmarkast skammtímaleiga á íbúðahúsnæði við 90 daga á almanaksárinu og hámarkstekjur af útleigunni mega ekki nema meira en 2 milljónum yfir árið. Hver einstaklingur getur skipt þessum 90 dögum milli tveggja eigna, til dæmis íbúðarhúsnæði og sumarbústaðar. Allir leigusalar verða að skrá eignir sínar og fá leyfisnúmer sem skylt er að nota í allri markaðssetningu og kynningarstarfsemi m.a. á bókunarvefjum. Það er Sýslumaðurinn á höfuðborgarsvæðinu sem annast eftirlit með skráðri og skráningaskyldri heimagistingu á landsvísu og samkvæmt upplýsingum frá embættinu þá verður eftirlit með heimagistingu fyrst og fremst rafrænt. „Sýslumaður mun halda úti virku frumkvæðiseftirliti með könnun á bókunarvefjum á borð við airbnb.com og booking.com. Þá tekur sýslumaður á móti ábendingum frá öðrum eftirlitsaðilum og almennum borgurum.” Í svarinu segir jafnframt að Sýslumaður hafi heimild til að leita atbeina lögreglu til að sannreyna hvort að skráningaskyld starfsemi eigi sér stað. Lagðar verða stjórnvaldssektir við brotum á nýju lögunum og nema þær að lágmarki 10 þúsund krónum en hámarkssekt er 1 milljón. Hægt er að skrá eignir á vefsíðunni Heimagisting.is.

Segir Airbnb viljugt til að innheimta skatta

Líkt og áður segir þurfa leigusalar hér með að láta leyfisnúmer koma fram í auglýsingum á húsnæði á Airbnb og sambærilegum vefsíðum. Simon Letouze, upplýsingafulltrúi Airbnb, segir í svari til Túrista að fasteignaeigendur geti sett leyfisnúmerin sín inn í lýsingu á viðkomandi eign en þann texta sé hægt að uppfæra eins oft og viðkomandi kýs. Hann bendir jafnframt á að Airbnb árétti það fyrir leigusölum að fylgja þeim reglum sem gildi í hverju landi fyrir sig. Samkvæmt reglum hér á landi þá á að innheimta 100 krónur í gistináttaskatt á hverja eign sem leigð er út í sólarhring. Sambærilegar álögur eru í mörgum evrópskum borgum en almennt er reynslan sú að einstaklingar sem leigja út til ferðamanna standa sig illa í að skila inn þessum opinberu gjöldum. Í París hafa yfirvöld skikkað Airbnb og önnur sambærileg fyrirtæki til að innheimta hótelskatta og standa svo skil á þeim gagnvart yfirvöldum. Aðspurður um hvort Airbnb gæti einnig innheimt gistináttaskatt á Íslandi segir Letouze að fyrirtækið leiti leiða, með yfirvöldum víða um heim, að koma á innheimtu opinberra gjalda.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …