Samfélagsmiðlar

Icelandair ekki lengur með meirihluta brottfara

icelandair wow

Vanalega stendur Icelandair undir bróðurparti allra áætlunarferða frá Flugstöð Leifs Eiríkssonar en í desember fór vægi félagsins í fyrsta skipti undir helming. Vanalega stendur Icelandair undir bróðurparti allra áætlunarferða frá Flugstöð Leifs Eiríkssonar en í desember fór vægi félagsins í fyrsta skipti undir helming. Í farþegum talið var Icelandair ríflega tvöfalt stærra í fyrra en WOW air.
Þrátt fyrir að erlendu flugfélögunum fjölgi og umsvif WOW air aukist hratt þá hefur hlutdeild Icelandair í umferðinni um Keflavíkurflugvöll hingað til ekki farið undir helming. Það gerðist hins vegar í síðasta mánuði þegar félagið stóð undir 47 prósentum af öllum áætlunarferðum frá flugvellinum samkvæmt talningum Túrista.
Til samanburðar þá lét nærri að tvær af hverjum þremur þotum sem tóku á loft frá flugvellinum í desember 2015 og 2014 væru á vegum Icelandair. Hlutfallið lækkaði því umtalsvert í lok síðasta árs eins og sjá má á súluritinu hér fyrir neðan. Þessi þróun á sér stað þrátt fyrir að brottförum Icelandair hafi fjölgað síðastliðið ár.

Dregur líka saman í farþegum talið

Flugáætlun WOW air er hins vegar mun viðameiri núna en hún var á sama tíma í fyrra og þar með jókst vægi WOW töluvert í desember eða upp í nærri 30 prósent. Talningar Túrista ná aðeins yfir fjölda flugferða en síðustu daga hafa forsvarsmenn íslensku félaganna birt tölur um farþegafjölda og samkvæmt þeim flutti Icelandair um 220 þúsund farþega í síðasta mánuði en ríflega 173 þúsund flugu með WOW air. Munurinn er rúmur fjórðungur en til samanburðar voru farþegar Icelandair ríflega tvöfalt fleiri en hjá WOW air í desember í hittifyrra.
Allt árið 2016 fóru um 3,7 milljónir með Icelandair en um 1,7 milljón með WOW air og stækkuðu bæði félög líkt og undanfarin ár eins og sést á neðra súluritinu.

 

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …