Samfélagsmiðlar

Er pláss fyrir Air Canada á morgnana?

aircanada

Stærsta flugfélag Kanada ætlar að hefja flug hingað frá Montreal og Toronto í sumar en segir þó áformin háð samþykki yfirvalda. Stærsta flugfélag Kanada ætlar að hefja flug hingað frá Montreal og Toronto í sumar en segir þó áformin háð samþykki yfirvalda.  
Fyrir rúmum þremur árum síðan var hömlum á flugi milli Íslands og Kanada aflétt og í kjölfarið bauð Icelandair upp á heilsársflug til Toronto, fjölgaði ferðum til Halifax og hóf áætlunarflug til Vancouver og Edmonton. Montreal bættist svo við leiðakerfi íslensku flugfélaganna tveggja í fyrra og WOW flýgur nú líka allt árið til Toronto. Á sama tíma hefur Air Canada setið hjá og reyndar tóku forsvarsmenn þessa stærsta flugfélags Kanada því illa þegar Icelandair boðaði komu sína til Edmonton og vildu meina að flugmálayfirvöld þar í borg hafi greitt götur íslenska flugfélagsins. Nú ætlar hins vegar Air Canada að spreyta sig á Íslandsflugi frá bæði Montreal og Toronto. 

Umsvif íslensku félaganna í Kanada ekki kveikjan

Aðspurður segir Peter Fitzpatrick, upplýsingafulltrúi Air Canada, í svari til Túrista, að það sé ekki óvenjulegt að félagið hefji flug á nýjan stað frá tveimur kanadískum borgum í einu. „Við skiptum áætluninni á nýja áfangastaði stundum með þessum hætti því það getur tekið tíma að koma nýjum flugleiðum í gang. Með þessu getum við boðið upp daglegar ferðir frá Kanada og þar með aukið möguleika farþega okkar á að ferðast þegar þeir vilja.“ Fitzpatrick bætir því við að frá bæði Toronto og Montreal geti farþegar félagsins, til að mynda þeir sem fljúga frá Íslandi, náð tengiflugi til fjölmarga kanadískra og bandarískra áfangastaða. Hann vill þó ekki meina að umsvif íslensku flugfélagana í Kanada séu ástæðan fyrir því að Air Canada ætli að hasla sér völl á Íslandi. „Ísland er mjög spennandi áfangastaður og býður upp á landslag og áfangastaði sem eru heillandi í huga Kanadabúa. Við erum á leiðinni þangað vegna þess að Air Canada hefur verið að bæta við erlendum áfangastastöðum og hafa umsvif félagsins utan Kanada aukist um helming frá árinu 2009.“

Vilja vinsælan brottfarartíma

Í fréttatilkynningunni þar sem Air Canada boðar komu sína til Íslands kemur fram að áformin séu háð samþykki stjórnvalda og segir Fitzpatrick að þarna sé m.a. átt við flugmálayfirvöld. Þess háttar fyrirvarar eru hins vegar sjaldséðir í svona tilkynningum en það vekur einnig athygli að þar segir brottfarir Air Canada frá Keflavíkurflugvelli verði klukkan hálf níu að morgni. En eins og flestum er kunnugt er morgunumferðin frá íslenska flugvellinum mjög þung og til að mynda eru ávallt nokkrar brottfarir á dagskrá á sama tíma á morgnanna yfir sumarmánuðina. Það er því spurning hvort sá fyrirvari sem stjórnendur Air Canada setja við Íslandsflugið sé í raun sá að félagið hafi ekki fengið úthlutaða lendingartíma á Keflavíkurflugvelli ennþá en sé að gera tilkall til hólfs sem nú þegar er þéttsetið eða jafnvel uppbókað. Sala á farmiðum er þó hafin og það stefnir því í ennþá fleiri morgunflug næsta sumar. Hins vegar mun Air Canada notast við þotur sem taka innan við 140 farþega í flugið hingað til lands.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …