Samfélagsmiðlar

Ríflega tvöfalt fleiri Íslendingar til Tenerife

Íslensku ferðafólki á Tenerife hefur fjölgað hratt síðustu ár eftir að framboð á flugi þangað jókst.

kanari strond

Lengi vel takmörkuðust samgöngurnar milli Íslands og Tenerife við leiguflug á vegum stærstu ferðaskrifstofa landsins en WOW air hóf svo vikulegt áætlunarflug til Tenerife í ársbyrjun 2015 og síðar bætti lággjaldaflugfélagið við annarri brottför. Þar með ríflega tvöfaldaðist framboðið og á sama tíma hefur Primera Air fjölgað sínum ferðum. Sumaráætlun flugfélagsins gerir til að mynda ráð fyrir allt að þremur ferðum í viku til Tenerife en Primera Air flýgur m.a. annars fyrir ferðaskrifstofur til eyjunnar. Það sama gerir Icelandair yfir veturinn.

500 Íslendingar til Tenerife í hverri viku

Þetta stóraukna framboð á flugi til Tenerife hefur orðið til þess að fjöldi íslenskra ferðamanna á Tenerife hefur meira en tvöfaldast á milli áranna 2014 og 2016. Allt síðasta ár lentu á Tenerife-flugvelli 26.153 farþegar frá Íslandi en þeir voru rétt um 20 þúsund í hittifyrra en aðeins 11.431 árið 2014 samkvæmt svari ferðamálayfirvalda á Spáni við fyrirspurn Túrista. Þetta jafngildir því að vikulega hafi rétt um fimm hundruð íslenskir ferðamenn komið til Tenerife í viku hverri allt síðasta ár en samkvæmt heimildum Túrista eru það nær eingöngu Íslendingar sem nýta sér flugsamgöngurnar milli Keflavíkurflugvallar og Tenerife.
Gera má ráð fyrir að farþegafjöldinn hafi aukist töluvert undanfarið því ferðunum hefur fjölgað það sem af er ári. Í febrúar í fyrra flugu héðan 12 þotur til Tenerife en brottfarirnar voru 20 í síðasta mánuði samkvæmt daglegum talningum Túrista á flugumferð um Keflavíkurflugvöll. Mánaðarlega eru því sæti fyrir 3.300 til 4.000 farþega í flugvélunum sem fara á milli Íslands og spænsku eyjunnar og útlit er fyrir að brottfarirnar verði álíka tíðar í sumar enda sækja Íslendingar í sólarlandaferðir til Tenerife allan ársins hring.

Líka fleiri ferðir til Las Palmas

Við allt Tenerifeflugið bætast svo ferðir til Las Palmas á Gran Canaria sem er stærst Kanaríeyja. Þangað var flogið sex sinnum í febrúar í fyrra en ellefu sinnum í nýliðnum febrúar. Miðað við ferðafjöldann til Tenerife og Las Palmas í síðasta mánuði má gera ráð fyrir að á bilinu 4800 til 5400 Íslendingar hafi flogið til eyjanna tveggja.
Ferðirnar til Gran Canaria lögðust vanalega af yfir sumarmánuðina en annað árið í röð býður Ferðaskrifstofa Íslands nú upp á pakkaferðir þangað allan ársins hring.

Nýtt efni

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …