Samfélagsmiðlar

Munurinn á ferðafjölda Icelandair og WOW ekki verið minni

icelandair wow

Frá sjöföldum mun niður í helming á fjórum árum. Sameiginlegt vægi íslensku flugfélaganna minnkar verulega á kostnað þeirra erlendu. Frá sjöföldum mun niður í helming á fjórum árum. Sameiginlegt vægi íslensku flugfélaganna minnkar verulega á kostnað þeirra erlendu.
WOW air fór jómfrúarferð sína í sumarbyrjun 2012 og febrúar árið eftir var því fyrsti febrúarmánuðurinn sem félagið var með starfsemi. Þá flugu þotur félagsins að jafnaði tvær ferðir á dag til og frá landinu á meðan Icelandair bauð upp á um fjórtán ferðir á hverjum degi samkvæmt talningum Túrista. Síðan þá hefur munurinn á umsvifum félaganna tveggja minnkað en aldrei hefur hann verið minni en núna. Í nýliðnum febrúar var munurinn á ferðafjölda félaganna tveggja ekki sjöfaldur, líkt og fyrir fjórum árum síðan, heldur var hann núna 54,5 prósent. Að meðaltali voru þá áætlunarferðir Icelandair nærri 24 á degi hverjum en daglegar ferðir WOW voru rúmlega 15 talsins.
Eins og sjá má á kökuritinu hér fyrir neðan þá hefur bilið á félögunum tveimur minnkað í misstórum stökkum síðustu ár en stærta breytingin á milli tímabili hefur orðið nú í vetur enda býður WOW nú upp á heilsársflug til fleiri áfangastaða en áður. Vægi íslensku félaganna tveggja hefur hins vegar dregist saman á tímabilinu enda stunda nú mun fleiri erlend flugfélög Íslandsflug en áður.

 

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …