Samfélagsmiðlar

Vöxtur ferðaþjónustunnar helmingi minni í fyrra

kef farthegar

Í fyrra fjölgaði ferðamönnum um fjörtíu prósent en aukningin í gistinóttum útlendinga var helmingi minni. Í fyrra fjölgaði ferðamönnum um 40 prósent en aukningin í gistinóttum útlendinga var helmingi minni. Frændþjóðirnar notast almennt við gistináttatölur þegar þær mæla umsvif í ferðaþjónustu á meðan sú íslenska styðst við talningar á Keflavíkurflugvelli.

Til Íslands komu nærri 1,8 milljónir ferðamanna á síðasta ári sem var aukning um 40,1% samkvæmt talningu Ferðamálastofu á Keflavíkurflugvelli. Þessi talning hefur lengi verið notuð sem mælikvarði í ferðaþjónustu landsins og forsvarsmenn greinarinnar, ráðamenn og fjölmiðlar vísa ávallt í hana þegar umsvifin í ferðaþjónustunni eru til umræðu. Vöxturinn í greininni í fyrra var hins vegar helmingi minni, eða 21,6%, ef litið er til gistinótta útlendinga. Sá mælikvarði er víðast hvar notaður í ferðaþjónustu enda ómögulegt fyrir flest lönd að telja ferðamenn við landamæri eins og hér er gert. Það er til að mynda greinilegt í ársskýrslum ferðamálaráða hinna Norðurlandanna að þar eru gistinætur helst notaðar til að bera saman breytingar á hinum ýmsu stærðum í atvinnugreininni á milli ára. 
Talning flugfarþega hefur hins vegar verið aðal viðmiðið hér á landi en hlutfallslega hafa breytingar á fjölda túrista og gistinóttum útlendinga haldist í hendur frá því að íslensk ferðaþjónustu sprakk út árið 2011. Í hittifyrra urðu hins vegar skil þarna á milli og í fyrra var munurinn, í prósentum talið, tvöfaldur eins og sjá má á grafinu hér fyrir neðan. Sá mikli mismunur hefur haldist í ár þegar miðað er við hótelgistingar líkt og kom fram í úttekt Túrista á föstudag.   

Sveiflur hjá fjölmennustu hópunum

Styttri Íslandsferðir vegna styrkingar krónu, aukin ásókn í óskráða gistingu og fjölgun erlends vinnuafls eru hluti af skýringunni á þessum breytingum. Auk þess þá hefur stóraukið millilandaflug frá Keflavíkurflugvelli líklega einnig valdið stærri skekkju í ferðamannatalningunni en áður hefur þekkst. Núna geta farþegar frá tugum borga í Evrópu og N-Ameríku flogið yfir hafið með því að tengja saman ferðir tveggja flugfélaga og eru ekki bundnir af því að fljúga alla leið með annað hvort Icelandair eða WOW air. Farþegar sem það gera þurfa nær undantekningarlaust að sækja farangurinn sinn við komuna til landsins og innrita sig á ný í framhaldsflugið. Og þar með eru þeir taldir með í talningu Ferðamálastofu sem erlendir ferðamenn. Þetta kann til að mynda að vera skýringin á því að bandarískum ferðamönnum hér á landi fjölgaði um 89% fyrstu þrjá mánuði ársins á meðan aukningin í gistinóttum þeirra nam innan við helmingi. Á sama tíma í fyrra og hittifyrra var bilið á milli hlutfallslegrar aukningar bandarískra túrista og hótelnótta þeirra miklu minna eða 10 til 12 prósentustig, ekki fjörutíu líkt og núna. Svona mikil sveifla hjá fjölmennustu þjóðinni í hópi ferðamanna hér á landi vegur þungt. Bilið hefur líka breikkað í tölum yfir ferðir Þjóðverja og Frakka líkt og Túristi greindi frá

Leifsstöð góð samgöngumiðstöð fyrir Kanada

Mestu öfgarnar eru hins vegar í tölum yfir kanadíska ferðamenn því fjöldi þeirra nærri þrefaldaðist á fyrsta ársfjórðungi en á sama tíma keyptu þeir 12% færri gistinætur á íslenskum hótelum samkvæmt Hagstofunni. Framboð á flugi héðan til Kanada hefur jókst verulega í vetur með áætlunarflugi WOW til Montreal og Toronto og í mars sl. voru ferðirnar héðan til Kanada t.d. 94 en voru 46 á sama tíma í fyrra skv. talningum Túrista. Fjöldi kanadískra feðramanna jókst í mars úr 2.601 í 7.346 en gistinóttum þeirra á íslenskum hótelum fækkaði hins vegar um 19 prósent. Þróunin helst sem sagt ekki í hendur. Það þarf heldur ekki að koma á óvart þegar litið er til þess hversu mikið úrval af Evrópuflugi er í boði fyrir Kanadamenn sem millilenda á Íslandi. Þeir farþegar sem koma til að mynda með þotum WOW air og Icelandair frá Montreal og Toronto í nótt geta valið úr 33 áætlunarferðum frá Keflavíkurflugvelli frá klukkan sex að morgni og fram til hádegis með sex mismunandi flugfélögum. Tengitíminn er þó stundum stuttur en þetta sýnir hins vegar vel hversu góð samgöngumiðstöð Leifsstöð er orðin fyrir þá sem eru á leið milli Evrópu og Kanada. Sömu sögu er að segja um Bandaríkjamenn og fleiri þjóðir. Gallinn er hins vegar sá að þetta mikla úrval af flugi héðan er hugsanlega helsta ástæðan fyrir því að nú eru tengslin milli gistináttafjölda útlendinga og erlendra ferðamanna ekki lengur fyrir hendi. Því væri hugsanlega réttara að umsvif ferðaþjónustunnar væru frekar metin út frá gistináttafjölda en ekki fjölda erlendra farþega á Keflavíkurflugvelli.

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …