Samfélagsmiðlar

Íslandsflugið eitt það vinsælasta í Kaupmannahöfn

Í sumar flugu rúmlega 200 þúsund farþegar milli flugvallanna sem kenndir eru við Keflavík og Kastrup.

kaupmannahof farthegar

Frá Kaupmannahafnarflugvelli

Yfir hásumarið er oftar flogið héðan til Kaupmannahafnar en til nokkurrar annarrar borgar og í sumar nýttu fleiri sér þessar áætlunarferðir en dæmi eru um. Alls fóru 203.369 farþegar þessa leið sem er aukning um 6,1% samkvæmt útreikningum Túrista sem byggja á upplýsingum frá Kaupmannahafnarflugvelli. Þessar vinsældir flugleiðarinnar gerðu það að verkum að áfangastaðurinn „Keflavík-Reykjavík“ var í 8. sæti á listanum yfir 10 fjölförnustu flugleiðirnar frá Kastrup í júlí og ágúst en í níunda sæti í júní.

London er hins vegar í efsta sæti og þar á eftir koma Ósló og Stokkhólmur. Álaborg er eina danska borgin sem kemst á topplistann en þar eru einnig borgir eins og Berlín, París og Amsterdam. Enginn áfangastaður utan Evrópu kemst þó á topp 10 listann á Kaupmannahafnarflugvelli enda geta farþegar þar ekki valið úr jafn tíðum ferðum til Bandaríkjanna og farþegar á Keflavíkurflugvelli eiga að venjast.

Í fyrra hóf SAS að fljúga hingað frá Kaupmannahöfn en fram að því höfðu íslensk flugfélög setið ein að þessari flugleið um  mjög langt skeið. Á þeim tíma hefur Icelandair verið langumsvifamest og miðað við þær tölur sem fengust hjá dönskum flugmálayfirvöldum þá flutti Icelandair 2 af hverjum 3 farþegum sem flugu milli Íslands og dönsku höfuðborgarinnar í fyrra. Þriðjungur hópsins skiptist svo á milli SAS og WOW air en í heildina voru farnar 1218 áætlunarferðir milli Íslands og Kaupmannahafnar í sumar samkvæmt talningu Túrista og meðal farþegafjöldinn því verið 167 farþegar í hverri ferð.

 

 

 

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …