Samfélagsmiðlar

Mæla með haustferðum til Reykjavíkur

Höfuðborgin kemst á lista hjá breska blaðinu Telegraph yfir þær borgir sem best er heim að sækja næstu vikurnar.

Mynd: Sigurjón Ragnar/sr-photos.com

Færri ferðamenn, ódýrari gisting, norðurljós og huggulegri stemning á kaffihúsum og börum eru helstu ástæður þess að blaðamenn ferðarits Telegraph setja Reykjavík á lista yfir þær 20 borgir sem eru mest spennandi fyrir haustið. Í umfjölluninni um Reykjavík er líka sérstaklega mælt með sýningunni Borgarveran í Norræna húsinu og eins Iceland Airwaves sem fer fram í byrjun nóvember. Og þegar kemur að gistingu þá bendir Telegraph á Canopy by Hilton og Oddsson en bæði hótelin fá 8 af 10 í einkunn hjá breska blaðinu.

Þeir lesendur Telegraph sem ákveða að fylgja ráðum blaðsins og fara til Íslands ættu ekki að vera í vandræðum með að finna flug hingað því eins og Túristi greindi frá í vikunni þá verða í boði allt að 13 ferðir á dag hingað frá London í vetur. Eins er flogið hingað frá Aberdeen, Manchester, Edinborg, Glasgow, Bristol, Belfast og Birmingham (sjá nánar). Breskar ferðaskrifstofur hafa einnig verið að bjóða mjög ódýrar pakkaferðir hingað síðustu vikur, til að mynda flug, tvær nætur á hóteli og norðurljósaferðir eða heimsókn í Bláa lónið á allt að 22 þúsund krónur.

20 bestu ferðamannaborgir haustsins að mati Telegraph

  1. Amsterdam
  2. Barcelona
  3. Berlín
  4. Bruges
  5. Budapest
  6. Kaupmannahöfn
  7. Dubrovnik
  8. Edinborg
  9. Flórens
  10. Lissabon
  11. London
  12. Madríd
  13. Marrakech
  14. París
  15. Prag
  16. Reykjavík
  17. Róm
  18. Seville
  19. Feneyjar
  20. Vínarborg
Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …