Samfélagsmiðlar

Auglýst eftir ferðamálastjóra

Ólöf Ýrr Atladóttir mun ekki sækja um stöðu ferðamálastjóra á ný og því mun nýr aðili taka við embættinu í byrjun næsta árs. Það gæti orðið eitt síðasta verk fráfarandi ráðherra ferðamála að skipa í stöðuna.

Ferðamenn við Námaskarð

Það er ekki nauðsynlegt að nýr ferðamálastjóri hafi reynslu af ferðaþjónustu en viðkomandi skal vera vanur stjórnandi, með meistarapróf og vera framkvæmdaglaður. Þetta er meðal þess sem kemur fram í auglýsingu á vef stjórnarráðsins þar sem staða ferðamálastjóra til næstu fimm ára er auglýst. Frestur til að skila inn umsóknum rennur út eftir hálfan mánuð og skipunartíminn hefst á nýársdag en þá eru 10 ár liðinn frá því að Ólöf Ýrr Atladóttir tók við embættinu. Hún hyggst ekki sækja um stöðuna á ný líkt og Túristi greindi frá.

Það er ferðamála-, iðnaðar- og nýsköpunarráðherra sem skipar nýjan ferðamálastjóra og ef ekki verður mynduð ríkisstjórn strax eftir kosningar gæti það orðið hlutskipti fráfarandi ráðherra ferðamála, Þórdísar Kolbrúnar Reykfjörð Gylfadóttur, að ráða nýja ferðamálastjóra. En það var ákvörðun hennar að auglýsa stöðuna á ný.

Starf ferðamálastjóra gæti tekið töluverðum breytingum á ráðningatímabilinu því samkvæmt starfsauglýsingunni er fyrirséð að skipan ferðamála hér á landi taki breytingum á næstu misserum. „Við þá vinnu og framtíðarþróun umhverfis og aðbúnaðar greinarinnar mun ferðamálastjóri gegna mikilvægu hlutverki,“ segir jafnframt í auglýsingunni.

Samkvæmt nýlegum úrskurði kjararáðs þá fær ferðamálastjóri 925 þúsund krónur í mánaðarlaun auk 30 eininga á mánuði fyrir yfirvinnu.

 

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …