Samfélagsmiðlar

HM ferðin hefst í Túngötu

Þeir sem eru með miða á leik á HM þurfa ekki vegabréfsáritun en allir aðrir þurfa að heimsækja rússneska ræðismanninn hér á landi.

fotboltavollur liane metzler

Íslenskum ríkisborgurum er ekki hleypt inn fyrir rússnesk landamæri nema þeir hafi fengið sérstaka vegabréfsáritun. Og til að fá hana þarf að fara á ræðismannaskrifstofu Rússa í Túngötu með nýlega passamynd, vegabréf sem gildir í að minnsta kosti hálft ár eftir að ferðalagi lýkur og staðfestingu á að viðkomandi sé með ferðatryggingu sem gildi í Rússlandi. Eins þarf að greiða 4.500 krónur fyrir vegabréfsáritunina en verðið er tvöfalt hærra ef sótt er um skyndiútgáfu. Nánari upplýsingar má finna á vef ræðismannaskrifstofu Rússlands. Öðru máli gegnir um handhafa miða á leiki á HM því þeir þurfa aðeins að sækja um sérstakt „Fan ID“ sem gildir sem vegabréfsáritun. Gildir það á meðan keppninni stendur. Þetta fyrirkomulag ætti því að minnka álagið á rússneska ræðismanninum töluvert en þeir sem ætla til Rússlands. Eins eru þessi áritunarmál til skoðunar í íslenska utanríkisráðuneytinu eins og Mbl greindi frá.

Krafan um vegabréfsáritun er ekki það eina sem gerir ferðalagið á HM í Rússlandi flóknara en reisurnar á EM í Frakklandi í fyrra. Þangað var nefnilega töluvert framboð á áætlunarflugi frá Keflavíkurflugvelli en aftur á móti eru engar flugsamgöngur milli Íslands og Rússlands. Á því gæti hins vegar orðið breyting innan skamms því bæði íslensku flugfélögin hafa verið að horfa til flugs til Asíu og þá liggur leiðin yfir Rússland. Rússnesk stjórnvöld hafa hins vegar verið gjörn á að veita aðeins leyfi til yfirflugs ef viðkomandi flugfélag hefur jafnframt áætlunarflug til Rússlands. Og telja má næsta víst að eftir úrslit kvöldsins þá muni stjórnendur Icelandair og WOW air skoða hvaða kostir eru í boði en fyrst þarf að koma í ljós hvar í Rússlandi íslenska liðið spilar leiki sína í riðlakeppninni. Þar kemur ýmislegt til greina því leikið verður í Moskvu, Sankti Pétursborg, Kazan, Sochi, Kaliningrad, Nizhny Novgorod, Volgograd, Rostov-on-Don, Samara, Ekaterinburg og Saransk.

Fréttin var uppfærð með upplýsingum um hið sérstaka Fan ID sem kemur í stað vegabréfsáritunar. Túristi biður afsökunar á því að hafa ekki haft þetta á hreinu þegar fréttin var birt.

Nýtt efni
MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …

Eftir því var tekið þegar Jón Gnarr forsetaframbjóðandi lýsti undrun sinni á því, í kappræðum frambjóðenda á Stöð 2 á dögunum, að hann hefði aldrei verið spurður af neinum fjölmiðli út í viðhorf sín til umhverfismála. Þau væru jú einhvers stærstu mál samtímans. Hins vegar væri endalaust verið að tala um málskotsréttinn, sem forsetar beittu …

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski." „Markmiðið á að vera að auka verðmætasköpunina í …

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …