Samfélagsmiðlar

Síðustu ferðirnar til Bristol og Cork

Ef áfangastaðurinn ber sig ekki þá er farið annað segir Svanhvít Friðriksdóttir talskona WOW air en félagið fer nú sínar síðustu ferðir til tveggja nýlegra áfangastaða.

wow gma Friðrik Örn Hjaltested

Frá því í maí í fyrra hafa þotur WOW air flogið þrisvar sinnum í viku til Bristol en í dag fór félagið sína síðustu ferð til bresku borgarinnar. Að sögn Svanhvítar Friðriksdóttur, talskonu WOW air, þá gekk flugið til Bristol frekar vel í upphafi en í kjölfar Brexit hafi afkoman af því versnað enda hafi það aðallega verið breskir farþegar sem nýttu sér áætlunarferðirnar. „Því var tekin ákvörðun að nýta vélar okkar í aðra áfangastaði t.d. bæta við þessum fimm nýju áfangastöðum okkar í Bandaríkjunum.“

Samkvæmt tölum frá Flugmálastjórn Bretlands nýttu 3237 farþegar sér flugið milli Íslands og Bristol í ágúst sl. og í þeim mánuði fór WOW air 13 ferðir héðan til Bristol og jafnmargar tilbaka samkvæmt talningu Túrista. Að jafnaði hafa því 125 farþegar nýtt sér hverja flugferð í þeim mánuði en í Airbus A320 þotunum, sem WOW nýtir í flugið, eru 174 sæti og nýtingin hefur því verið rétt um 72%.

Flug milli Íslands og Bristol leggst hins vegar ekki af með brotthvarfi WOW air því hið breska easyJet heldur flugleiðinni úti yfir vetrarmánuðina og verður fyrsta ferð þessarar vertíðar farin á sunnudag. Í bæjarblaðinu Bristol Post var fjallað um þessar breytingar í Íslandsfluginu nú í vikunni en þar er þó megin áherslan lögð á þá staðreynd að með WOW air fari tenging borgarinnar við N-Ameríku. Hins vegar er bent á að borgarbúar eigi þó áfram þann kost að fljúga með easyJet til Íslands og þaðan til Bandaríkjanna og Kanada. En þotur easyJet frá Bristol lenda á Keflavíkurflugvelli um hádegi og fyrstu brottfarirnar þaðan til Bandaríkjanna eru um kaffileytið. Tengitíminn á Keflavíkurflugvelli er því á bilinu 4 til 6 tímar, bæði á út- og heimleið.

Bristol er ekki eina borgin sem WOW hættir flugi til nú í lok október því félagið leggur einnig flugleiðina til írsku borgarinnar Cork en þangað hóf WOW að fljúga í júní síðastliðnum. Svanhvít segir að flugið þangað hafi aldrei staðið undir væntingum . „WOW air hugsar þetta eins og önnur lággjaldaflugfélög. Ef áfangastaðurinn er ekki bera sig þá er fljótt farið annað,“ segir Svanhvít.

Á næsta ári hefur WOW air flug til bandarísku borganna Dallas, Cleveland, Detroit, St. Louis og Cincinnati og félagið fór nýverið jómfrúarferð sína til Tel Aviv í Ísrael.

 

 

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …