Samfélagsmiðlar

Flugsamgöngur liggja ekki lengur niðri á jóladag

Áður var það svo að enginn komst fljúgandi til að frá landinu á jóladag en annað árið í röð er hægt að velja á milli þriggja ferða.

Klukkan níu á aðfangadagskvöld flýgur frá New York þota á vegum Delta Air Lines sem lendir árla dags á jóladag á Keflavíkurflugvelli en snýr tilbaka klukkan níu. Stuttu síðar koma svo hingað flugvélar SAS frá Ósló og Kaupmannahafn og halda þær aftur til Skandinavíu um hádegið. Þar með er hægt að loka Leifsstöð því fleiri ferðir eru ekki á dagskrá þann 25. desember enda liggur flugáætlun íslensku flugfélaganna sem fyrr niðri á þessum degi og reyndar tíðkaðist það lengi vel að engar flugsamgöngur voru í boði til og frá Íslandi á jóladag. Á því varð breyting jólin 2014 þegar easyJet stóð fyrir einni ferð hingað frá Genf en árið eftir voru engar flugferðir um Keflavíkurflugvöll. Í fyrra komu hins vegar hingað þrjár þotur eða jafn margar og gert er ráð fyrir í ár.

Þessi takmarkaða flugumferð um Keflavíkurflugvöll á jóladag er eiginlega séríslensk venja því til að mynda er töluverð traffík um aðrar norrænar flughafnir alla hátíðardagana líkt og tvær ferðir skandinavíska flugfélagsins SAS, hingað til lands, eru dæmi um. Og þeir sem geta hugsað sér að nýta jóladaginn í millilandaflug en hafa ekki ennþá bókað miða komst til New York og heim aftur á gamlársdag fyrir um 55 þúsund krónur en samskonar ferðalag með SAS til höfuðborga Noregs og Danmerkur kostar ögn meira.

 

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …