Samfélagsmiðlar

Áfram hrókeringar hjá Icelandair

Stjóraskipti hafa verið tíð hjá Icelandair síðustu misseri og í gær var nýtt skipulag kynnt og ný framkvæmdastjórn tók við. Í henni sitja fleiri konur en áður.

icelandair 767 757

Því fer fjarri að umsvif Icelandair Group einskorðist aðeins við flugrekstur eða flugfélagið sem samsteypan er kennd við. Í gegnum dótturfélög sín er fyrirtækið til að mynda stórtækt í innanlandsflugi, hótelrekstri, skipulagningu Íslandsferða, fraktflutningum, leiguflugi, flugvallarþjónustu og sölu utanlandsferða. Og síðustu ár hafa stjórnendur þessara dótturfyrirtækja setið í framkvæmdastjórn Icelandair Group en svo verður ekki lengur. Nema að hluta til því samkvæmt tilkynningu sem Icelandair sendi frá sér í gær verður ný framkvæmdastjórn að mestu skipuð helstu stjórnendum flugfélagsins Icelandair. Ástæðan er sögð sú staðreynd að flugstarfsemin vegur þyngst í rekstri samsteypunnar.

Þessar umstalsverðu breytingar koma ekki eins og þruma úr heiðskíru lofti því í nóvember síðastliðnum var tilkynnt að yfirstjórn Icelandair Group og Icelandair yrði sameinuð og þá lét Birkir Hólm Guðnason af starfi sem framkvæmdastjóri og Björgólfur Jóhannsson tók við stjórnartaumunum. Á sama tíma var fjármálasvið samsteypunnar og flugfélagsins sameinað undir stjórn Boga Nils Bogasonar. Í aðdraganda breytinganna sem kynntar voru í gær þá sagði Svali Björgvinsson upp starfi sínu sem mannauðsstjóri fyrirtækisins og við því tók Elísabet Helgadóttir en hún kemur frá Íslandsbanka. Auk Elísabetar hefur Birna Ósk Einarsdóttir ráðið sig til Icelandair sem yfirmaður viðskiptaþróunar en hún hafði áður þann titil hjá Landsvirkjun. Elísabet og Birna Ósk taka sæti í nýju framkvæmdastjórninni og verða konunar í henni þar með þrjár því þar situr áfram Magnea Þórey Hjálmarsdóttir, framkvæmdastjóri Icelandair hótelanna. En Magnea var áður eina konan í framkvæmdastjórn Icelandair Group.

En það er ekki aðeins yfirstjórn Icelandair sem hefur verið stokkuð upp að undanförnu því síðastliðið sumar voru gerðar umtalsverðar breytingar á sölu- og markaðssviði félagsins þegar Guðmundur Óskarsson tók við því og stuttu síðar var erlendum söluskrifstofum félagsins lokað. Flestar þeirra höfðu verið starfræktar í áratugi og færðist hluti af störfunum í aðalskrifstofur Icelandair við Reykjavíkurflugvöll.
Guðmundur situr einnig í framkvæmdastjórninni sem kynnt var í gær og þar eiga líka sæti nafnarnir Jens Bjarnason og Jens Þórðarson og Gunnar Már Sigurfinnson frá Icelandair Cargo.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …