Samfélagsmiðlar

Svona var sumaráætlun Icelandair fyrir 30 árum síðan

Sumarið 1988 flugu þotur Icelandair að jafnaði 14 sinnum á dag til útlanda. Þremur áratugum síðar eru flugferðirnar nærri fjórum sinnum fleiri og fjölgun áfangastaða er margföld.

Farþegar Icelandair gátu valið á milli áætlunarferða til 20 áfangastaða í Evrópu og N-Ameríku í júlí 1988 og í heildina voru ferðirnar 96 í viku. Dreifðust þær á 20 áfangastaði en vægi þeirra var mjög mismunandi því til að mynda var þriðju hverri ferð heitið til annað hvort Lúxemborg eða Kaupmannahafnar. Danska höfuðborgin vegur enn þann dag í dag þungt í áætlun Icelandair og mun félagið bjóða upp á 33 ferðir í viku til Kaupmannahafnar í sumar. Aftur á móti hefur Icelandair ekki flogið til Findel flugvallar í Lúxemborg síðustu 19 ár.

Eins og sjá má á þessari þrjátíu ára auglýsingu hér fyrir neðan þá voru áfangastaðir Icelandair í Bandaríkjunum aðeins fjórir sumarið 1988 en þeir verða 17 að þessu sinni. Reyndar verður gert hlé á flugi til Orlando og Tampa Bay yfir hásumarið. Evrópsku áfangastöðunum hefur líka fjölgað umtalsvert síðustu 30 ára en einhverjir hafa dottið út. Auk Lúxemburg eru þotur Icelandair t.d. hættar að fljúga til Salzburg og Kýpur. Systurfélagið Air Iceland Connect sér svo um áætlunarferðirnar til Grænlands og Færeyja og að auki til Aberdeen í Skotlandi og Belfast á N-Írlandi.

Samkvæmt talningu Túrista þá munu þotur Icelandair fljúga 376 ferðir í viku hverri yfir háannatímann í sumar eða nærri fjórum sinnum fleiri ferðir en sumarið 1988. Og áfangastaðirnir verða 46 talsins. Við þann fjölda bætist svo sólarlandaflug fyrir ferðaskrifstofurnar Vita og Úrval-Útsýn. En þess háttar verkefnum hefur Icelandair ekki sinnt um árabil yfir hásumarið enda hefur flugflotinn verið fullnýttur í áætlunarflug. Nú í lok vetrar tekur félagið hins vegar við þremur nýjum Boeing MAX þotum og svigrúmið til að sinna öðrum verkefnum hefur því aukist.

Skjákot (Tímarit.is) af auglýsingu Flugleiða í Alþýðublaðinu 21. maí 1988.
Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …