Samfélagsmiðlar

Ekki tímabært að útiloka innanlandsflug frá Keflavíkurflugvelli

Ráðherra ferðamála segir flugleiðina milli Akureyrar og Keflavíkurflugvallar njóta styrkja og hún telur ekki fullreynt að hægt sé að halda þjónustunni úti.

„Ég sé í sjálfu sér ekki hvað hið opinbera getur lagt af mörkum í þeim efnum umfram það sem við höfum þegar gert en ég er sannarlega tilbúin til að eiga samtal við hlutaðeigandi um það," segir Þórdís Kolbrún Reykafjörð Gylfadóttir.

„Það eru vonbrigði að þessi leið skuli falla niður. Við höfum lagt töluvert af mörkum til að gera þetta mögulegt. Við breyttum reglum flugþróunarsjóðs til að þær næðu til þessa flugs og sjóðurinn hefur því styrkt það um níu til tíu milljónir króna,“ segir Þórdís Kolbrún Reykfjörð Gylfadóttir, ráðherra ferðamála, aðspurð um ákvörðun stjórnenda Air Iceland Connect að leggja niður flug milli Keflavíkurflugvallar og Akureyrar nú í vor. En þessari flugleið hefur verið haldið úti yfir hásumarið um árabil en reglulegar ferðir yfir veturinn hófust fyrst í febrúar í fyrra.

Ráðherrann bendir einnig á að 80 milljónum hafi verið varið í markaðssetningu á flugvöllunum á Akureyri og Egilsstöðum. „Mögulega á það enn eftir að skila árangri og við sjáum að flug SuperBreak til Akureyrar hefur verið vel nýtt og mikil eftirspurn. Tengiflugið í gegnum Keflavík hefur hins vegar aðallega verið nýtt af Íslendingum samkvæmt mínum upplýsingum. Mér finnst ekki tímabært að útiloka að þetta geti gengið. Ég sé í sjálfu sér ekki hvað hið opinbera getur lagt af mörkum í þeim efnum umfram það sem við höfum þegar gert en ég er sannarlega tilbúin til að eiga samtal við hlutaðeigandi um það,“ segir Þórdís Kolbrún.

Líkt og Túristi greindi frá í gær þá eru forsvarsmenn annarra íslenskra flugfélaga ekki að íhuga að taka taka við keflinu af Air Iceland Connect og bjóða upp á innanlandsferðir frá Flugstöð Leifs Eiríkssonar. Frá og með sumarbyrjun stefnir því í að Keflavíkurflugvöllur verði aftur án innanlandsflug en þess háttar þjónusta er hins vegar veigamikill hluti af starfsemi stærstu flughafnanna í löndunum í kringum okkur.

Arnheiður Jóhannsdóttir, framkvæmdastjóri Markaðsstofu Norðurlands, segir að það sé hennar trú að það sé næg eftirspurn eftir þessu tengiflugi frá Keflavíkurflugvelli til Akureyrar og viðræður séu hafnar við aðra aðila um að starfrækja þessa flugleið. „Ég get ekki tilnefnt ákveðna aðila, það verður að koma í ljós ef vel gengur að fá menn í verkefnið.“

Með brotthvarfi Keflavíkurflugsins gefst Akureyringum ekki lengur sá kostur að fljúga úr heimabyggð að morgni og vera komnir á meginland Evrópu um hádegisbil. En eins og fram hefur komið voru það aðallega heimamenn fyrir norðan sem nýttu sér samgöngubótina sem flug Air Iceland Connect hefur verið.

Samkvæmt heimildum Túrista þá hefur það meðal annars staðið tengifluginu milli Akureyrar og Keflavíkurflugvallar fyrir þrifum að forsvarsmenn lággjaldaflugfélaganna  gerðu farþegum sínum ekki að innrita farangur alla leið ef þeir hófu ferðalagið fyrir norðan eða ætluðu að halda þangað beint í framhaldi af komunni til Keflavíkurflugvallar. Eins mun fyrirkomulagið í Leifsstöð í tengslum við flugið hafa valdið ruglingi hjá bæði farþegum og jafnvel tollvörðum sem vildu ekki hleypa farangri til tollafgreiðslu á Akureyrarflugvelli. Ýmsir aðrir byrjunarörðugleikar settu einnig strik í reikninginn.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …