Samfélagsmiðlar

Fara fram á að gjaldtöku verði frestað vegna óvissu

Frá og með morgundeginum hækka álögur á hópferðabíla við Flugstöð Leifs Eiríkssonar. Samtök ferðaþjónustunnar fara fram á að aðgerðinni verði slegið á frest.

airportexpress

Hingað til hefur ekki verið rukkað fyrir afnot af sérstöku rútustæði við Leifsstöð en gjaldtaka var hins vegar boðuð í tengslum við útboð Isavia á aðstöðu fyrir sætaferðir frá flugstöðinni síðastliðið sumar. Í desember var gjaldskráin birt og af viðbrögðum að dæma þá var hún mun hærri en forsvarsmenn ferðaþjónustufyrirtækja höfðu búist við. Þannig mun það kosta 19.900 krónur að keyra hefðbunda rútu inn á stæðið en minna fyrir smærri hópferðabíla. Samkeppniseftirlitið er nú með þessa nýju gjaldheimtu til skoðunar eftir að stjórnendur Gray Line kærðu hana til stofnunarinnar.

Á morgun, 1. mars, hefst gjaldtaka við rútustæðið en í fyrradag tilkynnti Isavia að veittur yrði sex mánaða aðlögurnartími  og að bílastæðagjöldin yrðu lægri fram til sumarloka. Það virðist þó ekki hafa dugað til að lægja öldurnar því samkvæmt tilkynningu frá Samtökum ferðaþjónustunnar þá fór fram félagafundur innan samtakanna í dag þar sem til umræðu var boðuð gjaldtaka og staða mála sér í lagi í ljósi þess að mál þetta er nú í formlegu ferli hjá Samkeppniseftirlitinu. „Þar kom m.a. fram að í ljósi óvissu um lögmæti umræddra gjalda telji fyrirtæki sér ekki unnt að taka ákvörðun að svo stöddu um að skrá sig hjá Isavia ohf., og þar með samþykkja boðaða gjaldskrá, en ákvörðun um slíkt liggur alfarið hjá fyrirtækjum, “ segir í tilkynningunni frá SAF.

Það segir jafnframt að SAF telji mikilvægt að allri óvissu um lögmæti umræddra gjalda, þ.m.t. álitamálum um gagnsæi og forsendur gjaldanna, sé eytt áður en hún kemur til framkvæmda. „Telja SAF því ábyrgt að Samkeppniseftirlitinu sé gefið færi á því að ljúka rannsókn sinni á málinu en nú þegar á sér m.a. stað gagnaöflun eftirlitsins þar sem leitað hefur verið eftir ítarlegum upplýsingum frá hagsmunaaðilum til viðbótar við upplýsingar frá Isavia ohf. Í ljósi óvissu um gjöldin og þeirra álitamála sem uppi eru þá skora samtökin á Isavia ohf. að fresta gildisstöku gjaldanna að lágmarki fram til þess tíma sem niðurstaða eftirlitsins liggur fyrir.“

Þess má geta að Isavia er eitt af aðildarfélögum Samtaka ferðaþjónustunnar.

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …