Samfélagsmiðlar

Bestu veitingastaðirnir í Stokkhólmi akkúrat núna

Þeir bestu og líka hinir sem voru tilnefndir í ár sem bestur matsölustaðirnir í höfuðborg Svíþjóðar.

Frá Stokkhólmi

Árlega útdeilir sænska dagblaðið Dagens Nyheter svokölluðum gulldrekum til þeirra veitingahúsa í Stokkhólmi sem þykja skara fram úr í sínum verðflokki. Að þessu sinni var það sushi staðurinn Soyokaze sem þótti bestur í flokki þeirra dýrustu og þeir sem vilja prófa þennan stað ættu að bóka í tíma því þarna eru aðeins sæti fyrir 12 gesti. Kagges í Gamla stan var valinn sá besti í milliverðflokki en þarna er eldað úr lífrænu hráefni og mikil áhersla á grænmetið. Reykhúsið Brisket & Friends þótti svo best í flokki þeirra ódýrustu en þar er aðallega gert út á grillað svínakjöt.

En það eru ekki bara veitingahús sem fá gulldreka frá Dagens Nyheter því eigendur barsins Folii á Södermalm fengu einn slíkan og bakarinn á Fosch á Östermalm líka.

Það þykir mikill heiður í sænsku veitingahúsalífi að fá gulldreka því í framhaldinu flykkjast íbúar Stokkhólms á staðina sem þóttu bestir. Það gæti því orðið erfitt að fá sæti hjá sigurvegurunum og hér er því listi yfir þá staði sem voru tilnefndir í ár og íslenskir ferðamenn gætu kíkt á ef allt er fullt hjá hinum.

Tilefndir í flokki ódýrra veitingahúsa:

Dos Locos – kúbverskur götumatur og kokteilar
Falloumi – Fínt falafel
Raamen – Japanskur skyndibiti
Taku Taku – vegan skyndibiti

Tilnefningar í milliverðflokki:

Ichi – Japanskir réttir með sænsku yfirbragði
Portal – Klassískt veitingahús
Sushi Oi – Nafnið segir allt
Tegelbacken – Smellir úr franska og ítalska eldhúsinu

Dýru veitingastaðirnir

Adam/Albin – fimm réttir á 895 sænskar (11 þúsund kr.)
Gatrologik – Michelin staður þar sem matseðillinn kostar 1.595 sænskar (20 þúsund kr.)
Oaxen krog – Tvær Michelin stjörnur og matseðill staðarins á 2.100 sænskar (um 26 þúsund kr.)
Rutabaga – Grænmetisstaður í hæsta gæðaflokki með minni rétti.

Lengi vel var Icelandair eina flugfélagið sem bauð upp á áætlunarflug héðan til Stokkhólms en svo bættist WOW air við og nú í sumar mun líka Norwegian bjóða upp á áætlunarflug frá Arlanda flugvelli til Íslands.

Frá fimmtudegi til sunnudags er hægt að fá ódýrara far með Arlanda Express hraðlestinni frá flugvellinum og niður í bæ. Sjá hér

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …