Samfélagsmiðlar

Ferðametið frá síðustu páskum gæti verið í hættu

Ríflega 60 þúsund Íslendingar fóru út í páskamánuðinum í fyrra og miðað við ferðagleði landans síðustu misseri og mikla ásókn í bílastæðin við Leifsstöð þá gæti metið frá síðustu páskum verið í hættu.

kef farthegar

Það er ekkert nýtt að Íslendingar nýti sér frídagana í kringum páska til að ferðast til útlanda og talningar á Keflavíkurflugvelli sýna að fjöldi íslenskra flugfarþega í mars og apríl, ár hvert, ræðst af því í hvorum mánuðinum páskarnir eru. Talan í páskamánuðinum er vanalega nokkru hærri en munurinn hefur þó ekki verið umtalsverður. Árin 2015 og 2016 fóru til að mynda um 3 þúsund fleiri út í þeim mánuði sem páskafríið var.

Í fyrra varð hins vegar aukningin í utanlandsferðum Íslendinga í kringum páska það mikil að langtímabílastæðin við Leifsstöð fylltust en sú staða hafði ekki komið upp áður. Og þegar Ferðamálastofa gaf út talningu sína fyrir apríl í fyrra kom í ljós að þá höfðu rúmlega 62 þúsund Íslendingar ferðast til útlanda í þeim mánuði en páskadagur var þann 16. apríl í fyrra. Fram að því höfðu aldrei áður svo margir Íslendingar ferðast til útlanda í einum mánuði ef júní 2016 er undanskilinn en þá fjölmennti þjóðin á leiki íslenska karlalandsliðisins í fótbolta í Frakklandi.

Eins og staðan er núna þá eru aðeins örfá stæði laus við Leifsstöð þrátt fyrir að þeim hafi verið fjölgað frá því í fyrra. Í dag eru líka fleiri brottfarir á dagskrá Keflavíkurflugvallar því þær verða 64 talsins en voru 59 í fyrra og 48 á skírdag í hittifyrra samkvæmt talningum Túrista.

Gera má ráð fyrir að sæti séu fyrir 11 til 14 þúsund farþega í þotunum sem taka á loft frá landinu í dag og ennþá er hægt að bóka far út í heim í dag sem kostar innan við 20 þúsund krónur, aðra leið. En þeir sem bóka svo stuttu fyrir brottför geta ekki búist við því að fá stæði fyrir bílinn sinn en hins vegar er hægt að velja á milli fjölda sætaferða út á flugvöll en eins og verðkönnun Túrista í gær sýndi þá er verðið í rúturnar mismunandi.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …