Samfélagsmiðlar

Bestu og verstu bílaleigurnar

Það eru ófáir sem vilja eða þurfa hafa bíl til umráða í utanlandsferðinni. Fyrir þann hóp gæti reynt gott að hafa til hliðsjónar niðurstöður breskrar athugunar á hvaða bílaleigufyrirtæki standa sig best.

vegur gr Aleksandr Kozlovskii

Stór hluti þeirra kvartana sem berast Evrópsku neytendaaðstoðinni snýr að bílaleigum og hefur Evrópusambandið lagt hart að stjórnendum stærstu bílaleiga í heimi að bæta ráð sitt. Sérstaklega þykir það einkennilegt að alþjóðleg fyrirtæki láti ferðafólk undirrita samninga á tungumálum sem það ekki skilur í stað þess að hafa alla pappíra á ensku. Eins hefur mat starfsmanna bílaleiganna á tjónum of oft reynst vafasamt og svo mætti áfram telja.

Til að draga úr líkunum á því að breskir ferðamenn eigi í viðskiptum við bílaleigur sem ekki eru til fyrirmyndar þá birta bresku neytendasamtökin Which? árlega lista yfir þau fyrirtæki sem bera af og þau sem varla teljast boðleg. Í ár er það bílaleigan Enterprise sem hlýtur nafnbótina besta bílaleigufyrirtæki í heimi og segir í niðurstöðum dómnefndar að verðskrá Enterprise sé skýr, afhending ökutækja sé snuðrulaus, bílarnir góðir og starfsmennirnir brosandi. Þess má geta að Kynnisferðir reka bílaleigu Enterprise á Íslandi.

Samkvæmt Which? er það Avis sem er umsvifamesta bílaleigan enda bjóði fyrirtækið samkeppnishæf verð og góða bíla. Breskir neytendur eru hins vegar varaðir við óskýrum reikningum sem berist frá Avis eftir að leigutíma lýkur. Thrifty er hins vegar sú leiga sem Which? mælir með fyrir þá sem vilja fá sem bílinn sem ódýrastan.

Versta bílaleigufyrirtækið er aftur á móti Interrent að mati Which? og tekið er sérstaklega fram að meira að segja Goldcar standi sig betur og mun þá mikið vera sagt. En Goldcar þekkja vafalítið margir sem hafa leigt bíl á Spáni síðastliðin ár. Og þar sem margir Íslendingar ferðast til Kanarí og Tenerife þessi misserin þá má nefna að bílaleigan Autoreisen er nefnd sérstaklega fyrir framúrskarandi þjónustu á Kanaríeyjum.

Á netinu finnst urmull af heimasíðum sem sérhæfa sig í að bera saman tilboð á bílaleigubílum. Í könnun Which? er það Zest Car Rental sem þykir standa sig best í að finna bestu tilboðin og útskýra muninn á því sem bílaleigurnar hafa upp á að bjóða. Þar á eftir kemur Rentalcars og í þriðja sæti er Auto Europe.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …