Samfélagsmiðlar

Stjórn Isavia fundaði 17 sinnum

Stjórn Isavia kemur oftar saman en stjórnir ríkisfyrirtækjanna sem reka flugvellina í Noregi og Finnlandi.

Í nýrri stjórn Isavia sitja (frá vinstri) Nanna Margrét Gunnlaugsdóttir, Matthías Imsland, Valdimar Halldórsson, Eva Pandora Baldursdóttir og Ingimundur Sigurpálsson.

Á síðasta starfsári kom stjórn Isavia saman sautján sinnum og tvisvar sinnum voru varamenn kallaðir inn. Þetta kemur fram í svari frá Isavia við fyrirspurn Túrista. Til samanburðar þá voru haldnir 14 fundir í stjórn Finavia og að jafnaði eru stjórnarfundirnar 8 til 10 á ári hjá Avinor samkvæmt svörum talsmanna fyrirtækjanna tveggja. Ingimundur Sigurpálsson, stjórnarformaður Isavia, mætti á alla fundina í fyrra en líkt og Túristi greindi frá þá verða laun Ingimundar, fyrir stjórnarformennskuna, í heildina um 4,7 miljónir á því starfsári sem var að hefjast.

Aðstoðarkonan fengi ekki sæti í Noregi

Á ársfundi Isavia í síðustu viku var ný stjórn fyrirtækisins skipuð en í henni eiga aðeins sæti fulltrúar þingflokkanna. Stjórnin er því skipuð pólitískt en þess háttar tíðkast ekki í nágrannalöndunum. Í Svíþjóð og Noregi koma stjórnarmeðlimir oftar en ekki úr atvinnulífinu og hafa verið valdir út frá ákveðnum kröfum. Í Noregi gildir einnig sú regla að embættismenn og fólk í opinberri þjónustu má ekki sitja í stjórnum ríkisfyrirtækja samkvæmt svari frá norska samgönguráðuneytinu. Í því ljósi er áhugavert að í varastjórn Isavia er Ingveldur Sæmundsdóttir sem er jafnframt aðstoðarkona Sigurður Inga Jóhannssonar samgönguráðherra. Þessi tvö dæmi sýna hversu reglur um stjórnarsetu í opinberum fyrirtækjum hér á landi eru mun takmarkaðri en hjá frændþjóðunum.

Víxlaði Pírötunum

Í stjórn Isavia sitja fimm manns, þrír karlar frá stjórnarflokkunum og konur frá Pírötum og Miðflokknum. Frambjóðandi Pírata í aðalstjórn var hins vegar Hreiðar Eiríksson en Bjarni Benediktsson, fjármálaráðherra, kaus heldur varamann Pírata, Evu Pandoru Baldursdóttur. Þannig var kynjahlutfallið betra því sem fyrr segir voru aðalframbjóðendur stjórnarflokkanna allt karlar. Frá Miðflokki valdi fjármálaráðherra Nönnu Margréti Gunnlaugsdóttur en hún er systir Sigmundar Davíðs Gunnlaugssonar.

Í stjórnum ríkisfyrirtækjanna sem reka flugvellina í Noregi, Svíþjóð og Finnlandi fá fulltrúar starfsfólks einnig sæti líkt og almennar reglur kveða á um í þessum löndum. Túristi hefur sent fyrirspurn á Ingimund Sigurpálsson, stjórnarformann Isavia, og spurt hvort honum þætti það til framdráttar að sami háttur yrði hafður á hjá Isavia. Ingimundur hefur ekki svarað og eins hafa ekki fengist svör frá fjármálaráðuneytinu né Sjálfstæðisflokknum. Forsvarsmenn hinna flokkanna sem eiga sæti í stjórn Isavia hafa hins vegar svarað fyrirspurnum Túrista.

Þess ber að geta að í frétt sem Túristi birti í byrjun vikunnar kom fram að stjórnarfundir hjá Finavia hafi verið 30 talsins í fyrra. Var þar miðað við heildargreiðslur til stjórnarformannsins en hann fær greitt sérstaklega fyrir hver fund. Hið rétta er hins vegar að stjórnarfundirnir voru aðeins 13 talsins en hinir 17 fundirnir sem stjórnarformaðurinn fékk greitt fyrir voru með stjórnendum starfsmannamála Finavia.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …