Samfélagsmiðlar

Ennþá hægt að fljúga út í vorveðrið um helgina

Á fimmtudag er uppstigningardagur og þar með gefst færi á langri helgi. Þó fyrirvarinn sé stuttur þá er ennþá hægt að finna flugmiða út í heim fyrir lítið.

barcelonna Camille Minouflet

Til Barcelona má komast um helgina fyrir um 30 þúsund krónur.

Íbúar á meginlandi Evrópu ganga nú léttklæddir um stræti og frændur okkar á hinum Norðurlöndunum eru farnir að taka lit. Hér heima mælist hitinn hins vegar ennþá í eins stafa tölu og það eru útlit fyrir áframhaldandi vætutíð. Það eru því vafalítið margir sem gætu hugsað sér að nýta fríið á uppstigningardag til að fljúga út í heim og fá smá forskot á sumarið. Og þeir sem það gera hafa úr miklu að velja enda framboðið af millilandaflugi mikið. Það kostar þó oftast sitt að bóka svona stuttu fyrir brottför.

Það er engu að síður hægt að finna flugmiða til borga eins Barcelona, Stokkhólms, Helsinki og Óslóar fyrir innan við 30 þúsund krónur ef flogið er út á fimmtudag og heim aftur á sunnudag samkvæmt lauslegri athugun Túrista. Í sumum tilfellum borgar sig að fljúga með einu flugfélagi út og öðru heim og þeir sem geta verið út fram á mánudag fá oft ódýrara heimflug. Til að bera saman kostina er þægilegt að nota flugbókunarsíður eins og Kiwi en með því að slá inn heiti Keflavíkurflugvallar og brottfarardagsetningu þá finnur leitarvélin ódýrustu flugmiðana úr landi.

Til að skoða hvaða áfangastaðir eru á boðstólum má nota kortið hér sem sýnir þá alla og hvaða flugfélög fljúga hver.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …