Samfélagsmiðlar

Steikt síld í sænskum matartrukk

Matarlyktin á götum úti eykst verulega á sumrin því þá er aðal vertíðin hjá veitingafólkinu sem selur skyndibita út um lúgu. Einn af vertunum í Gautaborg er óhræddur við að bjóða upp á klassískan sænskan sjávarrétt.

Steikta síldin hjá Strömmingsluckan er vinsæll skyndibiti í Gautaborg.

Það þykir fátt meira móðins í borgarskipulagi dagsins í dag en matartrukkar sem standa við torg og stræti. Alla vega er þetta að verða sífellt algengari sjón yfir sumarmánuðina í borgunum í löndunum í kringum okkur. Það verður þó að segjast eins og er að úrvalið í þessum trukkum oft einhæft enda fókusa margir á hamborgara og hægeldað rifið kjöt. Svo er réttir kenndir við Asíu og Mexíkó líka algengir en fáir virðast leita inn á við og bjóða upp á mat beint úr héraði.

Það gera hins vegar aðstandendur eins vinsælasta matartrukksins í Gautaborg. Sá kallast Strömmingsluckan og réttur hússins er steikt síld með kartöflustoppu og lingonsultu. Sænskara verður það varla og Túristi getur vottað að þessi réttur er peninganna virði. Síldin er ljómandi og ekkert gervibragð af stöppunni enda mun hún vera heimagerð. Skammturinn kostar 74 sænskar (um 880 kr.) og dugar hann vel sem hádegismatur en það er nú pláss fyrir eins og einn ís í eftirrétt.

Strömmingsluckan er með vagninn sinn á torgi við Magasingatan 17 sem er á besta stað í miðborginni og. þarna eru líka nokkrir aðrir veitingavagnar. Það má einnig mæla með kaffinu hjá Da Matteo sem er með eitt af sínum útibúum við torgið. 

Icelandair flýgur til Gautaborgar yfir sumarmánuðina en þessi önnur fjölmennasta borg Svíþjóðar liggur vel við höggi fyrir þá sem vilja kynna sér vesturströnd Svíþjóðar. Skerjagarðurinn hefur að geyma ófáar sjarmerandi eyjar og í borginni sjálfri er hinn þekkti Liseberg skemmtigarður.

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …